Berlusconi wahoze ayobora u Butaliyani yajyanwe mu bitaro igitaraganya

Yanditswe na Muhonzire Sylvine
Kuya 15 Mutarama 2021 saa 01:37
Yasuwe :
0 0

Umuganga w’uwahoze ari Minisitiri w’Intebe w’u Butaliyani, Silvio Berlusconi, yatangaje ko yajyanywe mu bitaro bya Monaco igitaraganya nyuma yo kumererwa n’abi n’indwara z’umutima asanganywe.

Berlusconi w’imyaka 84 akunze kwibasirwa n’indwara nk’aho mu mwaka wa 2016 yabazwe umutima. Uyu mugabo yigeze no kurwara kanseri y’ubugabo bw’epfo ariko aza kuyikira. Muri Nzeri umwaka ushize, uyu mukambwe nabwo yarwaye Coronavirus ariko aza kuyikira uretse ko yamuzahaje cyane.

Alberto Zangrillo uvura Berlusconi yavuze ko yamujyanye mu bitaro by’i Monaco kuko ari byo byari hafi y’aho uyu mukambwe yafatiwe, aho byatinywaga ko aramutse ajyanywe mu bitaro byo mu Butaliyani biri mu bilometero 15, yashoboraga kugerayo yashizemo umwuka.

Ibiro Ntaramakuru by’u Butaliyani, ANSA, byatangaje ko kugeza ubu bataramenya neza uko ubuzima bwa Berlusconi buhagaze, n’ubwo uyu musaza we yavuze ko yiyumva neza.

Yagize ati “Mfite ubuzima bwiza. Kubera ubushishozi bw’abaganga banjye, nagombye kujya kwa muganga kugira ngo bandebere uko ubuzima bwanjye buhagaze.”

Berlusconi asanzwe ari Umukuru w’ishyaka ritavuga rumwe n’ubutegetsi bw’u Butaliyani, Forza Italia, aho yavuze ko nta kabuza ibikorwa bye bya politiki biza gukomeza nyuma yo koroherwa.

Yagize ati “Ibikorwa byanjye birakomeza nk’ibisanzwe, ndi gukorana bya hafi n’abo dufatanyije muri ibi bihe bikomeye igihugu cyacu kirimo.”

Berlusconi arazwi cyane mu Butaliyani kuko yabaye Minisitiri w’Intebe w’icyo gihugu inshuro eshatu zose, akaba asanzwe ari n’umuherwe ukomeye muri icyo gihugu kuko afite ibitangazamakuru bikomeye birimo Fininvest na Mediaset.

Uyu mugabo kandi ni uwa kabiri mu bantu bafite imigabane myinshi mu kigo gikomeye cyo mu Bufaransa cyitwa Vivendi.

Berlusconi yajyanywe mu bitaro igitaraganya kubera indwara y'umutima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .