00:00:00 IGIHE NETWORK KN KINYARWANDA EN ENGLISH FR FRANCAIS

Benjamin Netanyahu yasubiye ku mwanya wa Minisitiri w’Intebe wa Israel, atangaza Guverinoma nshya

Yanditswe na IGIHE
Kuya 29 Ukuboza 2022 saa 06:22
Yasuwe :

Benjamin Netanyahu yarahiriye inshingano nshya nka Minisitiri w’Intebe wa Israel, nyuma y’amezi 18 akuweho, ariko akaza kongera gutsinda amatora.

Ni manda ya gatandatu Netanyahu w’imyaka 73 agiye kuyobora iki gihugu gikomeye.

Nyuma yo kurahira, yatangaje Guverinoma nshya igizwe ahanini n’abantu bo mu ishyaka rye Likud, aho Yoav Galant yagizwe Minisitiri w’Ingabo. Yoav w’imyaka 64 yayoboye inzego zitandukanye ku butegetsi bwa Netanyahu.

Ni mu gihe Eli Cohen wahoze ashinzwe iperereza, yagizwe Minisitiri w’Ububanyi n’amahanga. Umwanya wa Minisitiri w’Ubutabera wahawe Yariv Levin wayoboraga Inteko Ishinga Amategeko, weguye ku wa Kabiri tariki 27 Ukuboza 2022.

Mu myanya yabonye abayobozi bashya harimo n’Inteko Ishinga Amategeko, Knesset, aho ubu iyobowe na Amir Ohana, weruye ko aryamana n’uwo bahuje igitsina.

Ni mu gihe Bezalel Smotrich uyobora ishyaka Religious Zionism, yagizwe minisitiri w’imari.

Netanyahu asubiye ku butegetsi nyuma y’igihe akurikiranyweho ibyaha bya ruswa, ariko we yakomeje kubihakana, avuga ko ari umugambi w’abashakaga kumukura ku butegetsi.

Netanyahu yari asanzawe ari we Minisitiri w’Intebe wa Israel wamazeho igihe kirekire, umwanya yariho kuva mu 2009 kugeza mu 2021.

Asubiye kuri uyu mwaya nyuma yo gutsinda amatora yabaye mu Ugushyingo, akaba yari aya gatanu abaye muri Israel mu myaka ine.

Netanyahu (iburyo) hamwe na Minisitiri w'Ubutabera, Yariv Levin

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .