Australia yahagaritse igeragezwa ry’urukingo rwa Coronavirus rukekwaho kwanduza SIDA

Yanditswe na Ndahayo Emmanuel
Kuya 23 Ukuboza 2020 saa 04:13
Yasuwe :
0 0

Leta ya Australia yahagaritse igereragezwa ry’urukingo rwa ‘UQ-CSL v451 COVID-19’ rwari rumaze igihe rukorerwa muri icyo gihugu, nyuma y’uko ibipimo byafashwe mu igeragezwa ryarwo byagaragaje ko bamwe mu baruhawe banduye Virusi Itera SIDA (HIV) n’ubwo rwagaragazaga ibimenyetso byo gukingira Coronavirus.

Urukingo rwa ‘UQ-CSL v451’ rwari ruri gukorwa na Kaminuza ya Queensland ku bufatanye n’Ikigo cya CSL, ku nkunga ya Leta ya Australia.

Ni ubwa mbere bibaye ko igihugu gihagarika umushinga wo gukora urukingo rwa Coronavirus, aho ruhagaze rwari rumaze gutwara arenga miliyoni 750$.

Amakuru avuga ko ibipimo byafashwe nyuma byaje kwerekana ko HIV yikanzwe itari mu maraso.

Minisitiri w’Intebe wa Australia, Scott Marrison, yavuze ko bahagaritse ibikorwa by’urwo rukingo "mu rwego rwo kwirinda ko abaturage batera icyizere inkingo muri rusange bakanga kuzihabwa."

Bivugwa ko kugira ngo uru rukingo rukosorwe, byari buzatware hafi umwaka wose, kuko igeragezwa ryarwo, ryari rikiri mu cyiciro cya mbere ndetse ryahise rihagarikwa.

Leta ya Australia yatangaje ko nyuma y’uko igeragezwa ry’inkingo zayo ritagikomeje, igiye kugura izindi zizasimbura urwari rutegerejwe. Mu gihe cya vuba ngo hategerejwe miliyoni 120 z’urukingo rwa Pfizer-BioNTech, miliyoni 20 z’urukingo rwa AstraZenica ndetse na miliyoni 11 z’urukingo rwa Novavax.

Minisitiri w'Intebe wa Australia, Scott Marrison, yavuze ko Leta yahagaritse igeragezwa ry'urukingo rwakorwaga kugira ngo hirindwe ko abaturage batera inkingo icyizere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .