Mu gihembwe cya gatatu cy’uyu mwaka, amafaranga yinjizwa na Audi yagabanutseho 64% bituma itangaza ko iteganya kugabanya 10% by’umushahara w’abakozi, ariko mu gihe kiri imbere, ikaba iteganya kugabanya umubare w’abakozi nibura kugera ku 9500 bitarenze umwaka wa 2025.

Audi kandi yari mu migambi yo gufunga uruganda rwayo rwo mu Bubiligi rukora imodoka za Q8 e-tron zitakigira isoko rinini mu Burayi no mu Bushinwa nk’uko byahoze, icyakora ngo uru ruganda rushobora kudafungwa mu gihe Audi yabona undi mufatanyabikorwa, bikavugwa ko ibiganiro byo kumushaka bigeze kure.

Ibi byatumye muri rusange imigabane ya Audi igabanuka ku rwego rukomeye cyane, kuko ikigero iriho ari cyo kiri hasi mu myaka 24 ishize. Uru ruganda rukora imodoka zo mu bwoko buzwi ku Isi nka Audi, Bentley, Lamborghini, Ducati, Italdesign na Audi Sport GmbH.

Ku rundi ruhande, Volkswagen igenzura Audi nayo ntiyorohewe, dore ko mu gihembwe cya gatatu cy’uyu mwaka nayo yagize iganuka rya 42% ry’inyungu yayo.