Argentine: Abakire bazajya bishyura umusoro wo guhangana na Covid-19

Yanditswe na Uwimana Abraham
Kuya 5 Ukuboza 2020 saa 03:36
Yasuwe :
0 0

Argentine yashyizeho ubwoko bushya bw’umusoro uzajya wishyuzwa abakire cyane bo muri icyo gihugu, aho ayo mafaranga bazajya bishyura azafasha mu kugura ibikoresho byo kwirinda icyorezo cya Covid-19 ndetse no kuzahura ubukungu bwazahajwe n’icyorezo.

Sena y’iki gihugu yatoye itegeko rigena ko uyu musoro uzajya wishyurwa n’umuntu wese utunze agera kuri miliyoni 200 z’ama-pesos, angana na miliyoni 2,5$, ni ukuvuga asaga miliyari 2,4 Frw.

Biteganyijwe ko abantu bagera ku 12000 bagejeje kuri ayo mafaranga, ari bo bazishyura uwo musoro.

Argentine yagizweho ingaruka cyane na Covid-19, kuko ubu ni igihugu cya gatanu ku Isi kimaze kugeza kuri miliyoni 1 y’abanduye, bikaba byaranayigize igihugu cya mbere gito kirengeje uwo mubare, kuko kuri ubu ituwe n’abaturage miliyoni 45.

Abanduye Coronavirus bose muri icyo gihugu kuri ubu, ni miliyoni 1,5, muri abo abahitanywe nayo ni 40.000.

AFP yavuze ko amafaranga azava muri uyu musoro, 20% azashyirwa mu rwego rw’ubuzima, andi 20% ashyirwe mu kuzahura ubucuruzi buto bwazahajwe n’icyorezo, 20% ashyirwe mu bijyanye no kwishyurira abanyeshuri, 15% ashyiwe mu bikorwa by’iterambere rusange, naho 25% azashyirwa mu bijyanye n’ubucuruzi bwa gas.

Argentine igiye kuzajya isoresha abakire kugira ngo ibashe guhangana n'ingaruka za COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .