00:00:00 IGIHE NETWORK KN KINYARWANDA EN ENGLISH FR FRANCAIS

Amerika yakuyeho kwambara agapfukamunwa mu ndege na gari ya moshi

Yanditswe na IGIHE
Kuya 20 April 2022 saa 08:26
Yasuwe :

Leta zunze Ubumwe za Amerika zahagaritse amabwiriza yo kwambara agapfukamunwa mu ngendo rusange, ni nyuma y’uko umucamanza muri Leta ya Florida atangaje ko aya mabwiriza yari amaze amezi 14 adakurikije amategeko.

Sosiyete zitwara abantu mu ndege zirimo American Airlines, United Airlines na Delta Air Lines ndetse n’ikigo gitwara abantu muri za gari ya moshi, Amtrak, byamaze kumenyesha abagenzi ko bitakiri itegeko kwambara agapfukamunwa.

Mu cyumweru gishize abayobozi mu nzego z’ubuzima muri Leta zunze Ubumwe za Amerika, bategetse ko kwambara agapfukamunwa bikomeza, aho nibura izindi mpinduka zari ziteganyijwe kuwa 3 Gicurasi 2022. Bavugaga ko bagomba kubanza gusuzuma uburyo iki cyorezo kirimo kongera kubura umutwe.

Ni icyemezo cyamaganiwe kure n’abagize inteko ishinga amategeko bo mu ishyaka ry’aba-Républicains n’andi matsinda atandukanye, yasabaga ko kwambara agapfukamunwa bikurwaho.

Nubwo iki cyemezo gifashwe ariko, mu Burayi imibare y’abandura icyorezo cya Covid-19 ikomeje kwiyongera. Mu Budage handuye abantu 22,483 bituma abamaze kwandura bose muri iki gihugu bagera kuri 23,459,628 abamaze kwicwa n’iki cyorezo ni 132,960.

Mu Bushinwa kuri uyu wa Kabiri hapfuye abantu barindwi bishwe na Covid-19, mu mujyi wa Shanghai. Uyu mujyi ukaba uri muri guma mu rugo kuva mu kwezi gushize, nibura abagera ku 25,000 bandura ku munsi.

Kwambara agapfukamunwa mu ndege no muri gari ya moshi byakuweho muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .