00:00:00 IGIHE NETWORK KN KINYARWANDA EN ENGLISH FR FRANCAIS

Amerika yakomanyirije ikigo Wagner Group cyo mu Burusiya

Yanditswe na Umwali Zhuri
Kuya 23 Ukuboza 2022 saa 10:22
Yasuwe :

Minisiteri y’Ubucuruzi muri Amerika yakomanyirije ikigo cy’umutekano cy’Abarusiya, Wagner Group aho kitazongera kwemererwa kugura ibikoresho bya gisirikare cyangwa ikoranabuhanga ryakozwe n’Abanyamerika.

Uwo byagaragaraho ko yagurishije ibikoresho by’Abanyamerika akabiha uwo mutwe, azabihanirwa.

Wagner Group ni umutwe washinzwe mu 2014, ugizwe n’abahoze mu gisirikare cy’u Burusiya, ukunze kwifashishwa kugarura umutekano mu bihugu bimwe na bimwe birimo ibya Afurika.

Amerika n’u Burayi bifata uwo mutwe nk’uw’abacanshuro uhungabanya uburenganzira bwa muntu kandi witwara gisirikare.

Uwo mutwe umaze igihe ufatirwa ibihano n’abanyamerika ndetse n’abanyaburayi, bawushinja gufasha Leta y’u Burusiya mu ntambara imazemo amezi icumi muri Ukraine.

Minisiteri y’Ubucuruzi muri Amerika yatangaje ko Wagner Group itemerewe kugura ibikoresho byakorewe muri Amerika kuko ari umutwe uteye ikibazo gikomeye.

Uyu mutwe umaze imyaka itanu uri mu bindi bihano bitandukanye wagiye ufatirwa na Amerika. Mu ntangiriro z’Ukuboza 2022, Amerika yawushyize mu mitwe ibangamiye cyane umutekano, ku rutonde rusanzwe imitwe y’iterabwoba nka Al Qaeda, ISIS n’indi.

Wagner Group isanzwe iri mu bihano yafatiwe na Amerika n'u Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .