Amerika ikomeje kugarizwa cyane na Coronavirus

Yanditswe na Ndahayo Emmanuel
Kuya 31 Ukuboza 2020 saa 10:07
Yasuwe :
0 0

Leta Zunze Ubumwe za Amerika zikomeje kwibasirwa n’icyorezo cya Coronavirus gikomeje kwibasira icyo gihugu, aho ku munsi w’ejo iki gihugu cyatangaje ko abantu bagera ku 3 900 bahitanwe n’icyo cyorezo ari nawo mubare w’abantu bishwe na Coronavirus muri iki gihugu ku munsi umwe kuva iki cyorezo cyagera muri icyo gihugu.

Kugeza ubu iki gihugu kiri gutanga inkingo za Coronavirus, gusa ibi ntibyatumye ubwandu bwa Coronavirus bugabanuka ndetse ibyo bikajyana n’impfu zikomeje kwiyongera.

Ni mu gihe kandi muri iki gihugu hamaze kugaragara ubwandu bushya bwa Coronavirus bushobora kwanduza abantu ku kigero cya 70% ugereranyije n’ubusanzwe.

Kugeza ubu abarenga miliyoni 19 bamaze kwandura Coronavirus muri Amerika, mu gihe abarenga ibihumbi 341 bamaze kuhasiga ubuzima.

Abahanga bavuga ko nta gikozwe, izi mpfu zishobora kwiyongera bitewe n’uburyo abantu bashobora gukomeza kwizihiza iminsi mikuru bari kumwe ndetse no kuba igihugu kiri mu bihe by’ubukonje bukabije.

Coronavirus imaze kwanduza abantu barenga miliyoni 87 ku isi, mu gihe abarenga 1.8 bamaze kwitaba Imana kubera iki cyorezo.

Abicwa na Coronavirus bakomeje kwiyongera muri Amerika umunsi ku munsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .