Hagati ya Mutarama n’Ugushyingo, amadeni ya Amerika yiyongereyeho miliyari 1000$. Ni mu gihe muri Nyakanga, Urwego rushinzwe Imari muri Amerika, rwatangaje ko amadeni igihugu gifite arenga miliyari ibihumbi 35$.

Nibura mu mezi atandatu, amadeni ya Amerika muri iyi minsi ari kwiyongeraho miliyari 1000$.

Muri Kanama uyu mwaka, Komite ishinzwe Ingengo y’Imari mu Nteko ya Amerika, yari yatangaje ko bizagera mu 2027, amadeni igihugu gifite ageze ku kigero cya 106% by’Umusaruro mbumbe w’igihugu no kuri 122% mu 2034.

IMF yo ivuga ko bizagera mu 2032, amadeni ya Amerika arenga 140% ugereranyije n’Umusaruro mbumbe w’igihugu.

Ugereranyije n’amadeni ibihugu byose by’Isi bifite, Amerika yihariye 36%.

Amerika yihariye 36% by'amadeni ibihugu byose ku Isi bifite