Ibi babitangaje mu kiganiro bagiranye n’itangazamakuru kuri uyu wa Gatatu. Cyari kitabiriwe na Minisitiri w’Intebe w’agateganyo, Mullah Hasan Akhund ndetse n’uw’Ububanyi n’Amahanga, Amir Khan Muttaqi.

Mullah Hasan Akhund yasabye ibihugu by’amahanga kubemera nka Guverinoma.

Ati “Ndasaba ibihugu byose, by’umwihariko iby’abayisilamu, ko bakwiye gutangira kutwemera.”

Kuva Aba-Taliban bafata ubutegetsi muri Kanama 2021, Guverinoma yabo ntiyigeze yemerwa ndetse ibihugu byiganjemo ibyo mu Burayi byahise bibahagarikira inkunga.

Minisitiri w’Ububanyi n’Amahanga, Amir Khan Muttaqi yavuze ko Guverinoma y’Aba-Taliban yiteguye gukorana n’ibihugu by’amahanga cyane cyane mu bijyanye n’ubukungu.

Aba-Taliban basabye amahanga kwemera Guverinoma yabo