Abihayimana barindwi barimo n’Abafaransa bashimutiwe muri Haïti

Yanditswe na Dufitumukiza Salathiel
Kuya 12 Mata 2021 saa 03:07
Yasuwe :
0 0

Abapadiri batanu n’Ababikira babiri bakorera muri Haïti bashimuswe n’agatsiko k’amabandi kitwaje intwaro bikekwa ko ari akitwa “400 Mawozo”. Ababashimuse basaba guhabwa miliyoni y’amadolari ya Amerika kugira ngo babarekure.

France 24 yatangaje ko mu bashimuswe harimo umupadiri n’umubikira b’Abafaransa, naho abandi ari abo muri icyo gihugu.

Inzego z’umutekano muri icyo gihugu zavuze ko agatsiko k’amabandi yitwaje intwaro kiyise “400 Mawozo” ari ko gashobora kuba katwaye bunyago abo bihayimana, ubwo bari bagiye kwerekana umupadiri mushya mu Majyaruguru y’Umurwa Mukuru w’icyo gihugu, Port-au-Prince.

Magingo aya ntacyo u Bufaransa buratangaza kuri icyo gikorwa cyibasiye abaturage babwo.

Kuva muri Werurwe, Haïti yakunze kugaragaramo ibikorwa by’urugomo by’udutsiko tw’amabandi, yagendaga yambura abaturage ahandi agateza akaduruvayo. Ibyo byatumye mu Cyumweru gishize abagore birara mu mihanda bigaragambya, ibintu bikekwa ko byaba ari byo byatumye ubushimusi bukaza umurego.

Abihayimana barindwi bo muri Haïti bashimuswe / Ifoto: Miami Herald]

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .