00:00:00 IGIHE NETWORK KN KINYARWANDA EN ENGLISH FR FRANCAIS

Abatuye Shangai basabwe kutava mu rugo kuri Noheli

Yanditswe na IGIHE
Kuya 24 Ukuboza 2022 saa 12:55
Yasuwe :

Abatuye Umujyi wa Shangai mu Bushinwa basabwe kwirinda kuva mu rugo muri ibi bihe bya Noheli kubera ubwandu bwa COVID-19 bukomeje gufata indi ntera.

Ubuyobozi bw’uyu mujyi bwafashe iki cyemezo nyuma y’uko imibare y’abandura icyorezo cya COVID-19 yongeye kuzamuka mu Bushinwa bigizwemo uruhare n’ubwoko bwa Omicron.

Kugeza ubu hari amakuru avuga ko abaturage bagera kuri miliyoni 248 banduye Covid-19, ni ukuvuga ko bangana na 18% by’abaturage bose b’u Bushinwa.

Kugeza ubu muri Shangai, restaurant zikomeye zamaze gusubika ibirori zari zateguye mu rwego rwo kwizihiza Noheli ndetse hoteli nazo zigabanya umubare w’abo zateganyaga kwakira.

Nubwo Noheli atari umunsi mukuru wizihizwa cyane mu Bushinwa, abakiri bato bawukoresha nk’umwanya wo kwidagadura no kongera guhura n’abo mu miryango yabo. Shangai ni umwe mu mijyi yari isanzwe iberamo ibi birori.

Uyu mujyi kandi waherukaga gusaba abawutuye cyane cyane abakiri bato kwirinda kujya ahantu hahurira abantu benshi kuko bishobora kubashyira mu byago byo kwandura iki cyorezo.

Abatuye Shangai basabwe kutava mu rugo kuri Noheli kubera ubwiyongere bwa COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .