Abatunze telefoni zishaje ntibazongera gukoresha WhatsApp mu mwaka utaha

Yanditswe na Dufitumukiza Salathiel
Kuya 29 Ukuboza 2020 saa 03:48
Yasuwe :
0 0

Porogaramu ya WhatsApp imaze igihe mu mavugurura atandukanye yatangaje ko kuva ku wa 1 Mutarama umwaka utaha, itazongera gukoreshwa muri telefoni zifite ikoranabuhanga rishaje.

Iyi porogaramu isanzwe ikoreshwa n’abantu barenga miliyari ebyiri ku Isi, ivuga ko telefoni zizagirwaho ingaruka n’iki cyemezo ari izikoresha ikoranabuhanga riri munsi ya iOS9 kuri iPhone na 4.0.3 kuri Android.

Telefoni zizagirwaho ingaruka n’iki cyemezo ziganjemo izakozwe mbere ya 2010, zirimo iPhone kugera kuri iPhone 4 kuva kuri 1, Samsung Galaxy S2, HTC Desire, LG Optimus Black na Motorola Droid Razr.

Ku rundi ruhande ariko WhatsApp yatanze amahirwe ku bafite telefoni zigezweho (smartphones) zirimo Apple iPhone 4S, iPhone 5, iPhone 5S, iPhone 6, iPhone 6S, Samsung Galaxy S3, Samsung Galaxy Note, HTC Sensation, HTC Thunderbolt, LG Lucid, Motorola Droid 4 na Sony Xperia Pro ndetse n’izindi nshya yo kuvugurura (update) urwego (version) rwa telefoni basanganywe bagashyiramo urushya.

Mu yandi mavugurura, WhatsApp irateganya gusohora amabwiriza mashya azagenga abayikoresha bose, bagasabwa kuyemera, ubundi batayemera bakazavanwa kuri urwo rubuga ku wa 8 Gashyantare umwaka utaha.

Bivugwa ko ayo mavugurura akubiyemo ubusabe bwa WhatsApp bw’uko uyikoresha agomba no kuyemerera uburenganzira ku makuru amwerekeyeho, azajya akurwa muri telefoni ye.

WhatsApp yaguzwe na Facebook muri Gashyantare 2014 kuri miliyari zisaga 19$.

Abatunze telefoni zishaje bazamburwa uburenganzira bwo gukoresha WhatsApp

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .