Bakhmut ni umujyi wo mu Burasirazuba bwa Ukraine, igisirikare cy’u Burusiya kimaze amezi kigerageza kwigarurira.

Perezida wa Ukraine, Volodymyr Zelensky, yavuze ko ingabo z’u Burusiya zatakaje abasirikare barenga 1100 mu minsi mike ishize ndetse abandi benshi bakomeretse cyane.

U Burusiya nabwo bwatangaje ko bwishe abo mu nzego z’umutekano za Ukraine barenga 220 mu masaha 24 ashize.

U Burusiya nibufata umujyi wa Bakhmut, bivuze ikintu kinini mu ntambara kuko bwaba bugeze ku ntego kwigarurira intara yose ya Donetsk, imwe muri enye bwiyometseho muri Nzeri umwaka ushize binyuze muri kamarampaka.