00:00:00 IGIHE NETWORK KN KINYARWANDA EN ENGLISH FR FRANCAIS

Abasirikare ba Koreya ya Ruguru bagerageje kwinjira muri Koreya y’Epfo

Yanditswe na Ayera Belyne
Kuya 11 June 2024 saa 01:17
Yasuwe :

Koreya y’Epfo yatangaje ko tariki ya 9 Kamena 2024 yarashe mu kirere ubwo abasirikare ba Koreya ya Ruguru bageragezaga kurenga imbibi mu gace katagira ingabo zikagenzura, basubira inyuma.

Ibiro bikuru by’ingabo za Koreya y’Epfo byatangaje ko ubusanzwe aba basirikare barinda umutekano wo muri aka gace ku ruhande rw’igihugu cyabo. Kubarasaho ngo byari mu rwego rwo kubaburira.

Biti “Abasirikare ba Koreya ya Ruguru bakorera mu gace katagira ingabo zikagenzura bashatse kurenga umurongo utandukanya impande zombi muri DMZ. Nyuma y’aho ingabo zacu zibahaye ubutumwa, zikanarasa amasasu yo kubaburira, basubiye mu majyaruguru.”

Nk’uko TV5 Monde yabisobanuye, ntabwo abasirikare ba Koreya ya Ruguru bongeye kugerageza kurenga uyu murongo.

Koreya ya Ruguru imaze iminsi ishotora Koreya y’Epfo. Urugero rwa hafi ni urw’ibipurizo byikoreye imyanda bivugwa ko irimo ibisigazwa by’itabi, impapuro z’isuku zakoreshejwe mu bwiherero n’amase yohereje mu kirere cyo muri iki gihugu bisanzwe bidacana uwaka.

Ibi Koreya ya Ruguru ibyita kwihorera kuri Koreya y’Epfo, iyishinja gutangaza ibihuha bigamije guharabika ubutegetsi bwa Pyongyang.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .