Abashakashatsi b’Abashinwa bemeje ko Coronavirus ishobora kumara amasaha menshi mu mwuka

Yanditswe na Twarabanye Venuste
Kuya 30 Mata 2020 saa 12:45
Yasuwe :
0 0

Abashakashatsi bo mu Bushinwa, bagaragaje ko Coronavirus itera Covid-19 ishobora kumara amasaha menshi mu mwuka, ubu bakaba bakurikijeho kureba niba udutonyaga duto tugize iyo virus itembera mu mwuka, dushobora kwanduza.

Ibyo babitangaje nyuma yo kugenzura uko virusi ikwirakwira mu bushakashatsi bakoreye mu bitaro bya Wuhan aho icyorezo cyatangiriye, bakabona ko ishobora gukwirakwira binyuze mu mwuka.

Ubushakashatsi bwashyizwe hanze muri iki cyumweru mu kinyamakuru cya Siyansi cyitwa Nature buvuga ko ikwirakwira rya Covid-19, inyuze mu mwuka ryumviswe nabi.

Kugira ngo byumvikane neza uburyo virusi ikwirakwira, abashakashatsi bafashe ibipimo ‘mu bitaro bibiri bya Wuhan muri Gashyantare no muri Werurwe 2020’, maze basanga hari udutonyanga twa virusi tujya mu mwuka, dushobora kumaramo amasaha menshi dutembera mu kirere’.

Icyakora bavuze ko bitaramenyekana niba utwo dutonyanga dushobora kwanduza. Kugeza ubu, ingufu nyinshi zikomeje gushyirwa mu guhagarika ikwirakwira rya Covid-19, harimo guhana intera hagati y’umuntu n’undi.

Ibyo ahanini bishingiye ku kumva ko iyo Virusi idakwirakwira binyuze mu mwuka. Aba bashakasahatsi bavuga ko biramutse byemejwe ko ikwirakwira binyuze mu mwuka, byasaba ko kwambara agapfukamunwa bigirwa itegeko kugira ngo iryo kwirakwira rihagarare.

Abo bashakashatasi bavuye muri Kaminuza na Laboratwari zitandukanye zo mu Bushinwa, bavuze ko virusi iba iri mu mwuka mu byumba by’abarwayi mu bitaro iba iri hasi cyane kubera umwuka utangwa n’imashini ziwongerera abarwayi, ariko ikaba nyinshi ahandi hatari abantu benshi nko mu bwiherero bw’abo barwayi.

Banagaragaje ko gukoresha neza uburyo bwo kwica virusi, mu byumba by’abarwayi, mu bwiherero n’imyambaro y’abaganga, bushobora kugabanya ubukana bwa Virus ijya mu kirere.

Iyo raporo ivuga ko ubwo bushakashatsi ari ubugaragaza ko covid-19 ishobora gukwirakwira inyuze mu mwuka, butagaragaza ko ishobora kwanduza. Indi ntambwe bakurikijeho ni ukureba niba ishobora kwanduza.

Ishami ry’Umuryango w’abibumbye ryita ku buzima (OMS) ryo ryemeza ko coronavirus ikwirakwira gusa inyuze mu bitonyanga binini bitamara igihe kirekire mu mwuka.

Gutera imiti yica Coronavirus mu bitaro ngo byagabanya ubukana bwa virusi ijya mu kirere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .