Abasaga ibihumbi 14 baguye mu bikorwa by’iterabwoba, Afurika yo munsi ya Sahara yibasirwa cyane na IS

Yanditswe na IGIHE
Kuya 25 Ugushyingo 2020 saa 12:21
Yasuwe :
0 0

Raporo ngarukamwaka ku bikorwa by’iterabwoba yagaragaje ko mu 2019 abagera ku bihumbi 14 bo hirya no hino ku Isi babiguyemo, Afurika yo munsi y’Ubutayu bwa Sahara aba ariyo yibasirwa cyane n’ibitero bya n’umutwe w’iterabwoba ugendera ku mahame y’idini Islam (Islamic State).

Iyi raporo y’Ikigo cyo muri Australia, Institute for Economics and Peace igaragaza ko mu myaka itanu ishize umubare w’abahitanywa n’ibikorwa by’iterabwoba wagabanutse ku kigero cya 59%.

Iki kigo kigaragaza ko ibihugu byagabanutsemo ibikorwa by’iterabwoba ku kigero cyo hejuru harimo Nigeria na Afghanistan, mu gihe mu bihugu nka Burkina Faso byiyongereye kuko umubare w’ababigwamo wazamutse ku kigero cya 590%.

Iyi raporo yerekana kandi ko Mali, Mozambique na Niger biri mu bihugu aho ibikorwa by’iterabwoba bigenda birushaho kwiyongera.

Ikindi iyi raporo yerekana ni uko nibura umuntu umwe mu bihugu 63 yapfuye azize ibikorwa by’iterabwoba, mu gihe Isi yose yahombye agera kuri miliyari 16.4$ kubera ibi bikorwa.

Kuri Amerika ya Ruguru, u Burayi bw’Uburengerazuba na Oceania iyi raporo igaragaza ko ibikorwa by’iterabwoba bikorwa n’abantu bafite imyumvire y’ubutagondwa nko kwanga Abayahudi n’abayoboke b’idini runaka byiyongereye ku kigero cya 250 % hagati ya 2014 na 2019.

Ibihugu 10 bya mbere bikigaragaramo ibikorwa by’iterabwo ku Isi ni Afghanistan, Iraq, Nigeria, Syria, Somalia, Yemen, Pakistan, u Buhinde, Repubulika Iharanira Demokarasi ya Congo na Philippines.

Iyi raporo igaragaza ko ibikorwa ko icyorezo cya Covid-19 kiri mu byatumye ibikorwa by’iterabwoba n’umubare w’ababigwamo bigabanuka cyane muri uyu mwaka, ariko ikagira inama ibihugu itandukanye yo kutagabanya amafaranga bishobora mu bikorwa byo kurwanya iterabwoba kubera ko ingengo z’imari zabyo zagabanutse, kuko ubukene bumaze guterwa n’iki cyorezo bushobora gutuma benshi bayoboka iyi nzira y’iterabwoba.

Iyi raporo igaragaza ko Afurika yo munsi y'Ubutayu bwa Sahara ariyo yibasiwe cyane n'ibitero bya Islamic State

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .