Abasaga 70 % muri Koreya ya Ruguru bifuza ko Biden yazahura na Kim Jong Un

Yanditswe na Umwali Zhuri
Kuya 24 Ukuboza 2020 saa 01:33
Yasuwe :
0 0

Nibura barindwi mu banya-Koreya ya Ruguru icumi barifuza ko Joe Biden watorewe kuyobora Leta Zunze Ubumwe za Amerika yazahura na Kim Jong Un, Perezida wa Koreya ya Ruguru.

Ubushakashatsi bwakozwe n’ikigo Korea Institute for National Unification hagati y’itariki 10 Ugushyingo na tariki 3 Ukuboza 2020, bwagaragaje ko 73% by’abaturage ba Koreya ya Ruguru babajijwe, bavuze ko bifuza inama hagati ya Perezida wabo n’uw’Amerika.

Ni inama bitezeho guhosha ibibazo by’umwuka mubi umaze imyaka igera kuri 50 hagati y’ibihugu byombi. Amerika ishinja icyo gihugu gukora intwaro kirimbuzi ndetse Koreya yagiye ifatirwa kenshi ibihano mpuzamahanga bisabwe na Amerika.

Muri manda ya Donald Trump yagerageje guhura na Kim Jong Un bagamije guhosha umwuka mubi ariko bisa nk’aho ntacyo byatanze. Koreya ya Ruguru isaba Amerika gukuraho ibihano by’ubukungu yayifatiye, indi ikabona kugabanya icurwa ry’intwaro kirimbuzi.

Joe Biden azarahirira kuyobora Amerika muri Mutarama 2021.

Donald Trump yahuye na Kim Jong Un ariko bisa nk'aho ntacyo byakemuye ku bibazo ibihugu byombi bifitanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .