Abasaba ubuhungiro muri EU bagabanutseho 43% kubera Coronavirus

Yanditswe na Bukuru JC
Kuya 1 Gicurasi 2020 saa 01:46
Yasuwe :
0 0

Abasaba ubuhungiro mu bihugu bigize Umuryango w’Ubumwe bw’u Burayi, biyongereye cyane mu myaka ibiri ishize, ariko bitewe n’icyorezo cya Coronavirus, iyi mibare yaragabanutse kuko muri Werurwe 2020, bagabanutseho hafi kimwe cya kabiri ugereranyije n’ukwezi kwa Kabiri.

Abasabye ubuhungiro muri EU bagabanutse ku kigero cya 43% muri Werurwe ugereranyije na Gashyantare, bitewe n’amabwiriza yo guhagarika ingendo kubera Coronavirus.

Ibiro bifasha abashaka ubuhungiro muri EU, kuri uyu wa Kane byatangaje ko hari abasabye bagera kuri 34 737 muri Werurwe. Mbere y’uko Coronavirus igera mu Burayi, hagati ya Mutarama na Gashyantare bari biyongereyeho 16%, ugereranyije n’ayo mezi 2019.

Abanya-Syria na Afghanistan nibo biganje mu basabye ubuhungiro bakurikiwe n’abanya-Colombia na Venezuela. Aba baturage bo mu bihugu bine bahagarariye 38% by’ubusabe bwose mu mezi abiri ya mbere y’uyu mwaka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .