00:00:00 IGIHE NETWORK KN KINYARWANDA EN ENGLISH FR FRANCAIS

Abanya- Israel bagiye gukumirwa kwinjira mu Birwa bya Maldives

Yanditswe na Idukunda Kayihura Emma Sabine
Kuya 3 June 2024 saa 09:29
Yasuwe :

Ubuyobozi bw’Ibirwa bya Maldives bwatangaje ko butazongera gutuma abantu bafite pasiporo zo muri Israel babyinjiramo, kubera intambara icyo gihugu gikomeje gushyamiranamo n’Umutwe wa Hamas ugenzura Intara ya Gaza muri Palestine.

Ni icyemezo cyatangajwe ku wa 02 Kamena 2024, mu itangazo rigenewe itangazamakuru ryaturutse mu Biro bya Perezida wa Maldives, Dr. Mohamed Muizzu, akaba yaragifashe amaze kuganira n’abandi bayobozi bo muri guverinoma bamufasha gufata ibyemezo, ndetse itegeko rigishyigikira rikaba rigiye guhita rishyirwaho.

Uyu mwanzuro Ibirwa bya Maldives kandi biwufashe mu kugaragaza ko bidashyigikiye na gato ibikorwa bya Israel byo kugaba ibitero muri Palestine, birimo n’icy’indege giherutse kugabwa mu Mujyi wa Rafah cyane cyane mu nkambi yawo, ibyasize Abanye-Palistine 45 bishwe abandi basaga 200 bagakomereka.

Perezida wa Maldives, Dr. Mohamed Muizzu kandi yatangaje ko agiye gukora ibishobaka byose akifatanya n’Abanye-Palestine, ku ikubitiro akaba agiye kohereza intumwa ze muri icyo gihugu zikareba icyo abaturage bacyo bakeneye, ndetse agashyiraho n’ikigega cyo kubakusanyiriza inkunga.

Minisiteri y’Ububanyi n’Amahanga ya Israel, yahise isaba Abanya-Israel kwirinda kujya mu Birwa bya Maldives, inabwira Abanya-Israel bari muri ibyo birwa gushaka uko bahava kuko baramutse bagiriyeyo ikibazo leta yabo itabona uko ibafasha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .