Abantu 100 bamaze gupfa naho 4000 bakomerekeye mu iturika ryabereye i Beirut, harakekwa byinshi

Yanditswe na Umwali Zhuri
Kuya 5 Kanama 2020 saa 09:06
Yasuwe :
0 0

Liban yatangiye icyunamo nyuma y’aho abantu ijana aribo bimaze gutangazwa ko bapfuye baguye mu iturika ry’ikintu kitaramenyekana ryabereye mu Murwa Mukuru w’iki gihugu i Beirut.

Imibare itangazwa n’imiryango ishinzwe ubutabazi igaragaza ko abantu barenga ibihumbi bine aribo bakomerekeye muri iri turika ryabaye ku wa Kabiri w’iki cyumweru. Ubu hatangiye iperereza ryo kugaragaza impamvu yaryo kuko hari kuvugwa byinshi.

Bivugwa ko iryo turika rishobora kuba ryatewe n’igisasu cyangwa se ibindi bikoresho biturika bya gisirikare mu gihe abandi basobanura ko ryatewe n’iturika rya “nitrate d’ammonium” yifashishwa mu gukora ifumbire, yafashwe n’inkongi y’umuriro.

Minisitiri w’Intebe wa Liban, Hassan Diab, yatangaje ko aho hantu hafashwe n’inkongi hari harimo toni 2750 za nitrate d’ammonium ndetse ko zari zimaze imyaka itandatu zibahitse.

Ku rundi ruhande, Umugaba Mukuru w’Ingabo muri Liban yatangaje ko “igiturika karahabutaka” mu myaka yashize cyigeze gukurwa muri ako gace.

Nitrate d’ammonium bivugwa ko ariyo yabaye intandaro y’iryo turika, izwi cyane mu gukora ifumbire gusa na none ishobora guturika mu gihe ifashwe n’inkongi y’umuriro.

Ingero zitangwa n’izo mu 1995 ubwo mu Mujyi wa Oklahoma inyubako yasandaraga abantu 169 bagapfa abandi 467 bagakomereka bigizwemo uruhare na toni ebyiri za Nitrate d’ammonium.

Mu 1947 nabwo nitrate d’ammonium yateje inkongi muri Amerika mu Mujyi wa Texas yaguyemo abantu bagera kuri 400. Icyo gihe iyo nkongi yatewe na toni 2300 za nitrate d’ammonium.

Abantu barenga 100 bamaze gupfa baguye muri iri turika
Birakekwa ko ari igisasu, abandi bakavuga Nitrate d'ammonium ikorwamo ifumbire
Iri turika ryangije ibikorwa byinshi muri Liban

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .