Abanduye Coronavirus ku Isi yose barenze miliyoni 18

Yanditswe na Bukuru JC
Kuya 3 Kanama 2020 saa 10:09
Yasuwe :
0 0

Abantu barenga miliyoni 18 ku Isi yose bamaze kwandura Coronavirus kuri uyu wa Mbere, mu gihe abagera hafi kuri miliyoni 11 bamaze gukira, naho abandi ibihumbi 690 imaze kubica.

Imibare igaragaza ko muri Leta zunze Ubumwe za Amerika icyorezo cya Coronavirus kirimo gukwirakwira cyane mu bice by’icyaro ndetse no mu mijyi, aho abagera kuri 4,813,647 bamaze kwandura naho 158,365 bakaba bamaze gupfa.

Brazil iri ku mwanya wa kabiri mu kugira abantu benshi banduye bagera kuri 2,733,677, abamaze gupfa ni 94,130. Kuri iki cyumweru gusa handuye 25 800, hapfa 541.

Mu Bwongereza hagiye gutangira kwifashishwa uburyo bushya bwo gupima Coronavirus, hakaboneka igisubizo mu minota 90, abanduye bageze ku 306,000, abamaze gupfa barenga ibihumbi 46.

Ku mugabane wa Afurika, igihugu cya Afurika y’Epfo kiri ku isonga mu kugira abanduye n’abapfuye benshi, aho abanduye ari 511,485 naho abapfuye bakaba 8,366. Misiri iyikurikiye n’abantu banduye 94,483 n’abapfuye 4,865. Ku mwanya wa gatatu hariho Nigeria ifite abanduye 43,841 n’abamaze gupfa 888.

Muri Afurika y’Iburasirazuba, Kenya niyo ifite umubare munini w’abamaze kwandura bagera ku 22,053 n’abapfuye 369. Umubare w’abanduye mu Rwanda wageze ku 2062.

Mu Budage, abanduye biyongereyeho 509 bagera ku 210,402 abapfuye bageze ku 9,148. Muri rusange ku Isi yose hamaze kwandura abantu 18,240,644, hamaze gupfa 692,894, hakize 11,450,255.

Afurika y'Epfo ni yo ifite abantu benshi banduye Coronavirus muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .