00:00:00 IGIHE NETWORK KN KINYARWANDA EN ENGLISH FR FRANCAIS

Abana miliyoni 25 ntibahawe inkingo kubera Covid-19 mu 2021

Yanditswe na IGIHE
Kuya 15 July 2022 saa 02:32
Yasuwe :

Ubushakashatsi bw’Ishami ry’umuryango w’abibumbye ryita ku bana (UNICEF) n’irishinzwe ubuzima (OMS), bwagaragaje ko abana miliyoni 25 batahawe inkingo mu 2021 kubera icyorezo cya Covid-19.

Uyu mubare urenze uw’abatarazihawe mu 2020 kuko bari miliyoni 23. Iyi mibare yabonetse binyuze mu yatanzwe n’inzego z’ubuzima mu bihugu 177.

Umubare w’abatarahawe inkingo wiyongereyeho miliyoni ebyiri ugereranyije 2021 na 2020, wiyongeraho miliyoni esheshatu ugereranyije na 2019 mbere ya Covid-19.

Umuyobozi Nshingwabikorwa wa UNICEF, Catherine Russell, yagize ati “Iyi ni intabaza ku buzima bw’umwana. Turimo kubona igabanyuka rikomeye mu gukingira abana kandi ingaruka ni nyinshi ku buzima bwabo”.

Yakomeje avuga ko igabanyuka ryari ryitezwe umwaka ushize bitewe na gahunda za guma mu rugo n’izindi ngaruka z’icyorezo, ariko n’uyu munsi rigikomeje.

Umubare w’abana batahawe urukingo na rumwe wiyongereyeho 37% hagati ya 2019 na 2021 bava kuri miliyoni 13 bagera kuri miliyoni 18 mu bihugu bikennye n’ibifite ubukungu buciriritse.

Kubera indwara nyinshi, abana barenga 90% bagomba gukingirwa kugira ngo barindwe ibyorezo.

Abana benshi bakomeje kudahabwa inkingo kubera Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .