Abamaze guhitanwa na coronavirus barenze ibihumbi 30

Yanditswe na Bukuru JC
Kuya 29 Werurwe 2020 saa 09:02
Yasuwe :
0 0

Imibare imaze gukusanywa na Kaminuza ya Johns Hopkins University, igaragaza ko kugeza kuri uyu wa Gatandatu abantu bahitanwe na coronavirus bari bamaze kurenga ibihumbi 30 hirya no hino ku Isi.

Iyo virusi yatangiriye mu mujyi wa Wuhan mu Bushinwa umwaka ushize, imaze guhitana abantu 30,847, mu gihe abanduye ari 664,695.

Ibihugu bya mbere bifite umubare munini w’abanduye harimo Leta Zunze Ubumwe za Amerika zifite abantu 124,377, u Butaliyani ni 92,472, mu Bushinwa handuye 82,057, Espagne ni 73,235 naho mu Budage hamaze kwandura 57,695.

U Butaliyani nibwo bufite abantu benshi bamaze guhitanwa na Coronavirus kuko basaga 10 000.

Kuri uyu wa Gatandatu abantu 889 nibo bapfuye mu Butaliyani, nyuma y’abandi 969 bapfuye kuwa Gatanu. Espagne nayo abamaze guhitanwa n’iyo virus biyongereye bagera ku 5,690.

Umupadiri mu Butaliyani aha umugisha amasanduku y'abahitanywe na Coronavirus muri icyo gihugu mbere yo kubashyingura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza