00:00:00 IGIHE NETWORK KN KINYARWANDA EN ENGLISH FR FRANCAIS

Abahitanywe n’impanuka y’indege muri Nepal bakomeje kwiyongera

Yanditswe na IGIHE
Kuya 15 Mutarama 2023 saa 04:57
Yasuwe :

Inzego zishinzwe ubutabazi muri Nepal zatangaje ko amakuru zimaze kubona agaragaza ko abantu 66 ari bo bapfiriye mu mpanuka y’indege yari itwaye abagera kuri 72 yabaye mu gitondo cyo kuri iki Cyumweru.

Kuri uyu munsi ni bwo indege y’Ikigo Yeti Airlines gikorera muri Nepal yahanutse igwa hasi ubwo yavaga mu Murwa Mukuru Kathmandu yerekeza mu wundi mujyi wo muri iki gihugu witwa Pokhara.

Umuvugizi wa Polisi ya Nepal, yabwiye Al Jazeera ko kugeza ubu abapfuye bamaze kumenyekana ari 66 mu bantu 72 bari muri iyi ndege. Ntibiramenyekana niba hari uwaba warokotse kuko imirambo y’abandi itaraboneka.

Ubwo iyi mpanuka yabaga Minisitiri w’Intebe wa Nepal, Pushpa Kamal Dahal, yahise atumiza inama y’igitaraganya y’abagize Guverinoma.

Yihanganishije imiryango yabuze ababo, yemeza ko hagiye gukorwa iperereza kugira ngo icyateye iyi mpanuka kimenyekane.

Nepal ni kimwe mu bihugu bikunze kwibasirwa cyane n’impanuka z’indege, aho kuva mu 2000 zahitanye abantu 309. Inyinshi muri izi ziterwa n’ikirere kibi gikunze guterwa ahanini n’imisozi myinshi iba muri iki gihugu irimo n’uwa Everest, ufatwa nk’uwa mbere muremure ku Isi.

Imirambo y’abantu 66 ni yo imaze kuboneka muri 72 bari mu ndege yakoreye impanuka muri Nepal

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .