00:00:00 IGIHE NETWORK KN KINYARWANDA EN ENGLISH FR FRANCAIS

Aba-Taliban bashinjwe guhohotera abagore bakorera Loni

Yanditswe na IGIHE
Kuya 13 September 2022 saa 09:28
Yasuwe :

Umuryango w’Abibumbye washinje Leta y’Aba-Taliban muri Afghanistan guhohotera abakozi bawo b’abagore bakorera muri iki gihugu kugeza aho bamwe bafungwa.

Loni ivuga ko abakozi bayo b’igitsina gore muri Afghanistan baterwa ubwoba, bagakorerwa n’ihohoterwa kugeza ubwo ku wa Mbere tariki 12 Nzeri 2022 hari batatu bafunzwe.

Mu itangazo Ishami rya Loni rikorera muri Afghanistan ryashyize hanze ryavuze ko “Ubuyobozi bw’Aba-Taliban bukorera ihohotera aba bagore kandi bikaba bikomeje gufata indi ntera.”

Ryakomeje rivuga ko “Hari abakozi batatu ba Loni b’abagore batawe muri yombi kuri ubu bakaba bari kubazwa n’inzego z’umutekano.”

Umuryango w’Abibumye wavuze ko iri hohotera rikwiye guhagarara ndetse abakozi bawo muri Afghanistan bagahabwa umutekano mu buryo bwihariye.

Nubwo Loni itangaza ibi, Umuvugizi wa Guverinoma ya Afghanistan, Bilal Karimi yabyamaganiye kure avuga ko ari ibinyoma kuko nta mukozi w’uyu muryango ufunze.

Kuva muri Kanama umwaka ushize, Aba-Taliban basubira ku butegetsi muri Afghanistan bakomeje gushinjwa guhohotera abagore no kugarura amategeko agamije kubapyinagaza.

Umuyobozi ushinzwe ibijyanye n'uburenganzira bwa muntu mu ishami rya Loni muri Afghanistan, Fiona Frazer yashinje Aba-Taliban guhohotera abakozi b'uyu muryango b'abagore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .