Heart of Worship in Action Foundation isanzwe ifite intego yo gushyigikira ibikorwa bitandukanye bigamije guhindura ubuzima bwa benshi binyuze mu kubaka no kongerera ubushobozi bw’abari mu mu muryango nyarwanda .

Nyiransabimana Claire ni umwe mu bafashijwe n’uyu muryango, wavuze ko ubufasha bahawe buzatuma imibereho yabo ihinduka.

Ati “Ubu rero kuba tubonye izi mashini, bizadufasha kwiteza imbere twebwe ubwacu n’imiryango yacu, bizatuma hari aho tuva n’aho tugera heza hashimishije”

Nyiransabimana yavuze ko bari basanzwe bafite ubumenyi mu kudoda imyenda ariko bakaba bari barabuze ubushobozi bwo kwigurira imashini.

Ati “Twari dusanzwe tuzi kudoda ariko tudafite imashini, rero ngiriwe ubuntu bwo kubona imashini biranshimishije”

Umuyobozi Mukuru wa Heart of Worship in Action Foundation, Gakunzi Willy, yavuze ko nyuma yo guhabwa ibi bikoresho bazabanza kongera kwihugura nyuma babone gutangira kudoda.

Yavuze ko uyu muryango uzakomeza gufasha abantu batandukanye.

Yagize ati “Uko dukora rero dufite igihe cy’amezi 12. Habamo ibyiciro bitatu, icya mbere ni ukubanza kubahitamo, icyiciro cya kabiri ni ukubahugura no kubakurikirana gitwara amezi 12, nyuma yayo mezi tukaba icyemezo cy’uko basoje amahugurwa”.

Usibye kuba uyu muryango wafashije abakobwa babyariye iwabo, ufite intego yo kubaka ishuri mu myaka itanu iri imbere ndetse no gukomeza gukora ibikorwa bitandukanye bihindura imibereho ya muntu harimo no gushaka inzobere mu bintu bitandukakanye zizafasha guhugura abantu hagamijwe ko imibereho yabo ihinduka.

Heart of Worship in Action Foundation yashinzwe mu mwaka wa 2019.

Abahawe imashini ubwo babagezagaho uko bagomba kwitwara kugira ngo bizabateze imbere

Ayinkamiye Jeannette ari mu bafashijwe mbere yahawe impamyabumenyi igaragaza ko yitwaye neza

GAKUNZI yasabye abafashijwe kwivana mu bukene bakoresheje ibikoresho bahawe

Gakunzi willy asazwe ari umuhanzi kuko afite indirimbo zitandukanye

Muhongerwa Jeannette ari mu bahawe amafaranga na How Foundation bwa mbere, ubu acuruza imyenda yiteje imbere

Nyiransabimana Claire ubwo yakiraga imashine idoda yahawe

Nyiransabimana Claire yavuze ko imashini yahawe igiye kumufasha gutera intambwe

Gakunzi amaze igihe afasha abatishoboye bakajya mu bikorwa bibahindurira ubuzima

Bari basanzwe bazi kudodoa ariko nta bikoresho

Gakunzi yizeye ko inkunga yatanze izafasha abayihawe kwiteza imbere

Mbere yo guhabwa imashini, barabanza bagahugurwa

Abahabwa imashini baba bari mu byiciro bitandukanye

Abahawe inkunga babarizwa mu murenge wa Kacyiru