Among yatangarije ku rubuga X ati “Mu myaka mike ishize ubwo nasuraga Nyakubahwa Kaguta Museveni, yangabiye inka 200. Nishimiye kumumenyesha ko zororotse, zigera kuri 2000. Ni byiza ko abayobozi batanga urugero, bakereka abaturage uko bakwinjiza amafaranga.”

Perezida Museveni, Among n’umugabo we Moses Magogo, bahuriye mu karere ka Bukedea, ubwo bari bagiye gutangiza ku mugaragaro irushanwa ry’imikino itandukanye ihuza abanyeshuri bo mu karere ka Afurika y’iburasirazuba, FEASSA.

Uyu Mukuru w’Igihugu kandi yanafunguye ikibuga cy’umupira w’amaguru cyo muri Bukedea, ashimira Among n’abandi bagize uruhare mu bikorwa byo kucyubaka.

Mu gihe bamwe mu baturage bamaze iminsi bashinja Among kunyereza umutungo, bakanategura imyigaragambyo imusaba kwegura, Perezida Museveni yagaragaje ko ari umuyobozi mwiza yizeye ko azashobora gukura Bukedea mu bukene.

Umudepite wo muri Bukedea, Patrick Isiagi, yasabye Museveni kurinda Among ukomeje kwibasirwa n’abo yise ‘mafia’, Umukuru w’Igihugu amwemerera ko koko azakomeza kumurinda abashaka kumwica.

Among yari kumwe n'umugabo we ubwo yakiraga Perezida Museveni muri Bukedea

Perezida Museveni yatangaje ko azarinda Among abashaka kumwica