Sierra Leone: Perezida yishyize mu kato nyuma y’aho umurinzi we asanzwemo Coronavirus

Yanditswe na Bukuru JC
Kuya 21 Mata 2020 saa 10:53
Yasuwe :
0 0

Perezida wa Sierra Leone, Julius Maada Bio, yishyize mu kato nyuma y’uko umwe mu barinzi be asanzwemo Coronavirus.

Kuri uyu wa Mbere, Perezida Maada Bio yatangaje ko ameze neza nubwo umwe mu bakozi be yasanzwemo icyo cyorezo.

Yavuze ko n’umuryango we umeze neza kandi nta n’umwe ugaragaza ibimenyetso bya Coronavirus.

BBC yatangaje ko Perezida Maada Bio nubwo nta bimenyetso bya Coronavirus agaragaza, yahisemo kwishyira mu kato k’iminsi 14.

Hatangajwe ko muri iyo minsi azamara mu kato azakomeza gukorera akazi mu rugo rwe.

Kugeza kuri uyu wa Mbere Sierra Leone yari imaze kugira abantu 43 barwaye Coronavirus, batandatu barakize nta n’umwe wapfuye.

Maada Bio abaye Perezida wa Kabiri muri Afurika wishyize mu kato nyuma ya Mokgweetsi Eric Masisi wa Botswana.

Perezida wa Sierra Leone, Julius Maada Bio yishyize mu kato mu gihe cy'iminsi 14

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .