RDC: Abantu 12 bishwe n’imitwe yitwaje intwaro mu minsi itatu

Yanditswe na IGIHE
Kuya 17 Kanama 2020 saa 09:05
Yasuwe :
0 0

Mu minsi itatu ishize, abantu 12 bishwe n’imitwe yitwaje intwaro mu gace ka Beni ko mu Burasirazuba bwa Repubulika Iharanira Demokarasi ya Congo.

Ubuyobozi bw’inzego z’ibanze bwatangaje ko inyeshyamba za ADF zagabye igitero ku birindiro bya gisirikare mu gace ka Mwenda mu ijoro ryo kuwa Gatandatu, hakicwa abantu umunani.

Ku wa Gatanu hari abandi baturage bane biciwe mu mirima yabo mu mudugudu wa Mbau, nk’uko BBC yabitangaje.

Umuvugizi w’ingabo za Leta muri Beni, Anthony Mualushayi yavuze ko abasirikare babiri aribo bakomerekeye mu mirwano n’inyeshyamba za ADF.

Umutwe wa ADF ushingiye ahanini ku myemerere ya kiyisilamu washinzwe mu myaka ya 1990, ukaba urwanya leta ya Uganda. Ushinjwa kwica abaturage b’abasivili basaga ijana guhera mu 2014 mu gace ka Beni ko muri Kivu y’Amajyaruguru.

Inyeshyamba za ADF zishe abaturage 12 mu Burasirazuba bwa Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .