Nk’uko byasobanuwe na Minisiteri y’Ububanyi n’Amahanga n’Ubutwererane, abashyikirije Minisitiri Nduhungirehe kopi z’izi mpapuro barimo Alison Heather Thorpe w’u Bwongereza, Shri Mridu Pawan Das w’u Buhinde, Fátima Yesenia Fernandes Juaréz wa Venezuela na Mauro Massoni w’u Butaliyani.

Mridu Pawan Das w’u Buhinde ni umwe muri ba Ambasaderi b’ibihugu 12 bemejwe n’inama y’abaminisitiri yateranye tariki ya 23 Kanama 2024, iyobowe na Perezida Paul Kagame.

Ambasaderi Alison Heather na Fátima Yesenia ufite ibiro muri Uganda, bemejwe n’inama y’abaminisitiri yateranye tariki ya 25 Mutarama 2024.

Ambasaderi Mauro Massoni w’u Butaliyani yemejwe n’inama y’abaminisitiri yateranye tariki ya 29 Ugushyingo 2023. Na we afite ibiro muri Uganda.

Guhagararirwa kw’ibi bihugu mu Rwanda ni ikimenyetso gihamya umubano mwiza uri hagati y’ibi bihugu. Bitezweho kugira uruhare mu gukomeza kuwuteza imbere, bishingiye ku bufatanye bikorwa birimo kubungabunga ibidukikije, ubwikorezi, koroshya ingendo no guteza imbere inganda.

Minisitiri Nduhungirehe yakiriye impapuro za Ambasaderi Alison Heather Thorpe

Ambasaderi Fátima Yesenia Fernandes Juaréz na we yashyikirije Minisitiri Nduhungirehe impapuro zimwemerera guhagararira Venezuela

Ambasaderi Mridu Pawan Das w’u Buhinde na we yashyikirije Minisitiri Nduhungirehe impapuro

Minisitiri Nduhungirehe yanakiriye impapuro za Ambasaderi Mauro Massoni w'u Butaliyani