Minisitiri Busingye yasabye abacungagereza 649 basoje amasomo kurangwa n’ubunyamwuga

Yanditswe na Twarabanye Venuste
Kuya 27 Gicurasi 2020 saa 09:47
Yasuwe :
0 0

Minisitiri w’Ubutabera akaba n’Intumwa Nkuru ya Leta, Busingye Johnston, yashimiye abacungagereza 649 basoje amasomo y’ibanze abinjiza mu mwuga w’ubucungagereza bari bamazemo amezi icyenda.

Abasoje amasomo ni abagize icyiciro cya kane cy’abacungagereza bahawe amasomo abinjiza mu mwuga w’ubucungagereza, kigizwe n’abagabo n’abagore 649 mu muhango wabereye mu Ishuri ry’Abacungagereza i Rwamagana kuri uyu wa 27 Gicurasi 2020.

Minisitiri Busingye wayoboye uwo muhango yashimiye abasoje amasomo muri rusange ku myitwarire yabaranze, abasaba kuzarangwa n’ubunyamwuga batojwe.

Yabasabye ‘kwirinda amarangamutima no kubogama mu gihe cy’akazi, avuga ko umwuga w’ubucungagereza usaba umuntu ko kugira ngo agorore umuntu bisaba ko we agomba kuba agororotse ari mu murongo mwiza w’amategeko’.

Ni umuhango utatumiwemo abantu benshi mu rwego rwo kubahiriza amabwiriza yo kwirinda ikwirakwira rya COVID-19 ndetse amakuru agera kuri IGIHE avuga ko hahanje gusabwa uburenganzira bwa Minisiteri y’Ubuzima.

Amasomo bahawe arimo imyitozo ngororamubiri, uburenganzira bwa muntu, ubutabera mpanabyaha, ubwirinzi n’umutekano. Harimo ibijyanye no gusoma cyangwa gukoresha ikarita, imikorere ya gereza, gukoresha intwaro, amasomo y’ibanze ku mitekerereze ya muntu, ibikorwa byo kubungabunga amahoro, ubunyamwuga n’andi.

Mu Rwanda ubu hari abacungagereza 2369 kuri Gereza 13 bose b’umwuga. Mu bubasha ahabwa n’amategeko Minisitiri Busingye abasoje yabahaye ipeti rya warder.

Minisitiri Busingye Johnston ubwo yageraga mu Ishuri ry'Abacungagereza i Rwamagana
Abasoje amasomo ni icyiciro cya kane kigizwe n'abacungagereza 649
Ibikorwa byose by'uyu muhango byaranzwe no kubahiriza ingamba zo kwirinda Coronavirus bihereye ku buryo abantu bari bicaye
Minisitiri Busingye Johnston yasabye abasoje amasomo kuzarangwa n'ubunyamwuga mu kazi
Minisitiri Busingye Johnston yashimiye abacungagereza bitwaye neza kurusha abandi
Ni umuhango wakozwe hubahirijwe amabwiriza yo kwirinda ikwirakwira rya Coronavirus
Mu bubasha ahabwa n'amategeko Minisitiri Busingye yahaye abacungagereza basoje amasomo ipeti rya warder
Minisitiri w'Ubutabera akaba n'Intumwa Nkuru ya Leta, Busingye Johnston, yashimiye abacungagereza 649 basoje amasomo y'ibanze abinjiza mu mwuga w'ubucungagereza bari bamazemo amezi icyenda. Uyu muhango wabereye mu Ishuri ry’Abacungagereza i Rwamagana ku wa 27 Gicurasi 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .