MIGEPROF yimukiye mu nyubako nshya

Yanditswe na Habimana James
Kuya 16 Gashyantare 2020 saa 07:37
Yasuwe :
0 0

Minisiteri y’Uburinganire n’Iterambere ry’Umuryango (MIGEPROF), yatangaje ko guhera kuri uyu wa 14 Gashyantare 2020, yimukiye ku Kacyiru mu nyubako izwi nka ’A & P Building’.

Mu itangazo yashyize ahagaragara, Migeprof ivuga ko yimukiye muri iyi nyubako ifite amagorofa atandatu, yo ikaba iri mu igorofa ya kabiri.

Iyi minisiteri ikaba yari isanzwe ikorera ahazwi nka Payage mu nyubako ya RSSB yitwa Twin Tower.

Uretse iyi minisiteri yimukiye muri iyi nyubako, hasanzwe n’ibindi bigo bya leta birimo minisiteri y’urubyiruko n’umuco na Komisiyo y’abakozi ba leta n’umurimo.

Leta y’u Rwanda ikomeje kugenda ishyira hamwe bimwe mu bigo byayo, igamije kugabanya amwe mu mafaranga akoreshwa mu bukode.

Muri Mata 2019, u Rwanda rwashyikirijwe inyubako irimo ibiro bishya bya Minisitiri w’Intebe w’u Rwanda n’izindi minisiteri.

Iyo nyubako iherereye ku Kimihurura hafi y’ahari ibiro bishaje bya Minisitiri w’intebe yatashywe tariki ya 22 Mata 2019 nyuma y’amezi 33 yubakwa, ku nkunga ya miliyoni 27 z’amadolari yatanzwe n’u Bushinwa.

Uretse ibiro bya Minisitiri w’intebe bikoreramo, Minisiteri y’Ubutabera na Minisiteri y’Ibikorwa Remezo nazo zamaze kwimukiramo.

Iyi minisiteri yari isanzwe ikorera ahazwi nko kuri Payage

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza