CNL isanzwe ifite imyanya 32 mu Nteko y’u Burundi igizwe n’abantu 121. Ibuze aya mahirwe nyuma yo gucikamo ibice mu 2023 biturutse ku bushyamirane bwatumye Nestor Girukwishaka ahigika Agathon Rwasa wayishinze.

Nyuma y’aho ananiwe kwisubiza ijambo yari afite muri CNL, Rwasa yafashe icyemezo cyo gushinga ihuriro ry’amashyaka yise ‘Burundi pour Tous’ kugira ngo rizahatane muri aya matora.

Urutonde rw’amashyaka yemerewe guhatanira imyanya mu Nteko rwasohowe na Komisiyo y’amatora, rugaragaza ko ‘Burundi pour Tous’ na yo yabuze aya mahirwe nka CNL.

Kubura aya mahirwe kwa ‘Burundi pour Tous’ guca amarenga ko Rwasa ashobora kutemererwa kongera guhatanira umwanya w’Umukuru w’Igihugu, kuko ni ryo huriro yashakaga guhagararira.

Ishyaka CNDD-FDD na UPRONA ni yo yonyine yabonye abakandida bayahagararira mu ntara eshanu z’u Burundi, bujuje ibisabwa. UPD-Zigamibanga yo ihagarariwe mu ntara enye.

Ishyaka CNL ryinjiye mu bihombo nyuma y'umwiryane watumye icikamo ibice