Ishusho ya Kigali ku munsi wa mbere hakomorewe moto n’ingendo zihuza intara (Amafoto na Video)

Yanditswe na Niyonzima Moïse
Kuya 3 Kamena 2020 saa 01:34
Yasuwe :
0 0

Mu gitondo cyo kuri uyu wa Gatatu tariki 3 Kamena 2020, moto zitwara abagenzi zemerewe gusubukura ibikorwa uretse mu turere twa Rusizi na Rubavu, ndetse ingendo hagati y’intara ziremerwa ariko ko kujya no kuva mu Karere ka Rusizi na Rubavu byo birabujijwe.

Ni icyemezo cyafashwe n’inama y’abaminisitiri yateranye kuri uyu wa Kabiri yiga ku ngamba zo gukomeza kwirinda icyorezo cya coronavirus.

Gukomorera moto n’ingendo ni umwe mu myanzuro washimishije benshi by’umwihariko moto zitwara abagenzi zari zimaze iminsi 74 cyo kimwe n’ingendo zihuza intara bibujijwe.

Mu rukerera rwo kuri uyu wa Gatatu abamotari b’inkwakuzi bari bageze mu mihanda i Kigali batangiye gutwara abagenzi, urujya n’uruza rw’abagenzi muri gare ya Nyabugogo n’izindi gare narwo rwiyongereye.

Muri gare zitandukanye n’ahaparika moto, uburyo bw’isuku bugamije gukomeza kwirinda coronavirus bwari bwateganyijwe, nk’amazi yo gukaraba intoki, imiti yica udukoko n’ibindi.

Umunyamakuru wa IGIHE ufata amafoto, Niyonzima Moïse yazindukiye mu bice bitandukanye bya Kigali, afata amafoto agaragaza uko byari byifashe.

Muri gare ya Nyabugogo urujya n'uruza rw'abagenzi rwariyongereye ku munsi wa mbere moto zitwara abagenzi n'imodoka zigana mu ntara zemererwaga kongera gukora
Abantu bari benshi ku miryango ikoreramo sosiyete zifite imodoka zikora ingendo zihuza Kigali n'Intara
Muri gare hashyizweho uburyo bwo gukaraba mbere yo kwinjira hirindwa ikwirakwira rya coronavirus
Byari akanyamuneza ku bamotari gusubira mu muhanda nyuma y'iminsi 74 bari mu ngo
Kuri Sitasiyo za lisansi abakiliya bariyongereye nyuma y'uko moto zisubiye mu muhanda
Mbere yo kwambara casque , umugenzi abanza kwambara agatambaro mu kwirinda ibyago byo kwanduzanya
Urujya n'uruza rw'ibinyabiziga rwiyongereye i Kigali nyuma y'ikomorerwa rya moto
Mu mujyi rwagati hafi ya T2000 abamotari bongeye kugaragara nyuma y'amezi abiri bari mu rugo
Abamotari n'abagenzi basabwe kwishyurana hakoreshejwe ikoranabuhanga, aba babyubahirizaga
Abamotari baparitse mu mujyi rwagati ku nyubako nshya izwi nka La Tropicale
Umugenzi yari akuyemo agatambaro ko gushyira mu mutwe mbere yo kujya kuri moto
Ntabwo byemewe kujya kuri moto udafite igitambaro cyo kubanza imbere muri casque
Abamotari bari bari kugura imiti yica udukoko yo kwifashisha birinda coronavirus bo n'abagenzi
Ifoto igaragaza ibice bya Nyabugogo na Muhima
Abamotari n'imodoka zisanzwe mu matara ndangabyerekezo aherereye ku Muhima
Abacuruza udutambaro bambara mbere yo kwambara casque bari babukereye
Uyu mugenzi ari kwishyura akoresheje uburyo bwa Mobile Money

Kanda hano ubone amafoto menshi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .