00:00:00 IGIHE NETWORK KN KINYARWANDA EN ENGLISH FR FRANCAIS

Haribazwa amaherezo ya EAC igabanyirizwa ingengo y’imari buri mwaka

Yanditswe na IGIHE
Kuya 4 June 2022 saa 10:48
Yasuwe :

Abagize Inteko Ishinga Amategeko y’Umuryango wa Afurika y’Iburasirazuba (EALA) batewe impungenge n’igabanuka ry’ingengo y’imari y’ibikorwa bigenewe uwo Muryango, mu gihe ibihugu binyamuryango birushaho kwiyongera ari nako ubukungu bwabyo bwaguka.

Ibi byagarutsweho na Betty Maina, Umuyobozi w’Inama y’Abamisitiri bashinzwe ibikorwa by’uyu Muryango, ubwo yatangazaga ingengo y’imari uzakoresha muri uyu mwaka w’ingengo y’imari, izagera kuri miliyoni 91.5$, ivuye kuri miliyoni 91.7$ mu mwaka ushize.

Iyi ngengo y’imari izakoreshwa cyane mu guteza imbere ibijyanye n’umutekano, guteza imbere urwego rw’abikorera, ibikorwaremezo, ikoranabuhanga n’ibindi.

Nubwo ingengo y’imari y’ibikorwa bya EAC igabanuka, ubukungu bw’uyu Muryango buriyongera, kuko bwazamutse ku kigero cya 5.9% mu mwaka ushize, mu gihe bwari bwazamutse ku kigero cya 2.3% mu 2020.

Depite Fatuma Ndangiza uhagarariye u Rwanda, yabwiye The New Times ko ‘hakenewe uburyo bwo kubona amafaranga akenewe kugira ngo uyu Muryango ushyire mu bikorwa imishinga ufite.”

Benshi mu badepite nagize uyu Muryango bahuriza ku kuba ukeneye kwisuzuma kugira ngo imishinga ufite ishyirwe mu bikorwa mu buryo bwuzuye.

Haribazwa amaherezo ya EAC igabanyirizwa ingengo y’imari buri mwaka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .