EAC igiye gutanga laboratwari ngendanwa zo gupima coronavirus mu bihugu biyigize

Yanditswe na Ferdinand Maniraguha
Kuya 24 Werurwe 2020 saa 09:21
Yasuwe :
0 0

Umuryango wa Afurika y’Iburasirazuba, EAC watangaje ko ugiye gutanga imodoka zirimo laboratwari ngendanwa n’ibikoresho byo gupima mu bihugu biwugize , hagamijwe kurwanya ikwirakwizwa ry’icyorezo cya coronavirus.

Buri gihugu kizahabwa imodoka irimo laboratwari, uburyo bw’ikoranabuhanga n’ibindi byangombwa nkenerwa bituma hapimwa ibyorezo nka coronavirus na Ebola.

Uwo muryango kandi mu itangazo wasohoye, watangaje ko washyizeho Komite ishinzwe gutanga inama n’amabwiriza, ubushobozi n’amakuru kuri coronavirus.

Kuri uyu wa Kabiri tariki 24 Werurwe, ubunyamabanga bwa EAC burakoresha inama y’abaminisitiri bashinzwe ubuzima muri uwo muryango, irakorwa hifashishijwe uburyo bw’iya kure (video conference) hagamijwe gufata ingamba zihuriweho zo kurwanya coronavirus.

Bimwe mu bihugu bigize uwo muryango byamaze gufata ingamba zigamije gukumira icyo cyorezo zirimo gufunga amashuri, insengero n’ahandi hahurira abantu benshi, gufunga imipaka n’ibindi.

Kugeza ubu ibihugu bine muri bitandatu bigize EAC byamaze gutangaza ko bifite abantu banduye coronavirus. Kenya ifite abantu 16, u Rwanda rufite abantu 36, Tanzania ifite 12 naho Uganda ifite abantu icyenda.

Buri gihugu kirahabwa imodoka irimo laboratwari ifite ubushobozi bwo gupima coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .