Coronavirus kuwa 26 Gicurasi: Abapfa muri Amerika batangiye kugabanyuka

Yanditswe na Habimana James
Kuya 26 Gicurasi 2020 saa 09:05
Yasuwe :
0 0

Ishami ry’Umuryango w’Abibumbye ryita ku buzima ku Isi, OMS, ryatangaje ko abanduye coronavirus umunsi umwe babaye ibihumbi 88 ku Isi, naho abapfa muri Leta Zunze Ubumwe za Amerika bakomeje kubaganuka kuko kuri uyu wa Mbere iki gihugu cyapfushije abantu 505.

Iyi mibare itangwa na OMS igaragaza ko abanduye bagabanutse cyane ku Isi kuko nko ku wa Gatandatu gusa bari ibihumbi 108.

Abapfa muri Leta Zunze Ubumwe za Amerika bakomeje kugabanuka, kuko ku wa Mbere iki gihugu cyapfushije abantu 505, mu gihe ku Cyumweru cyari cyapfushije abantu 617 .

OMS yagaragaje ko ku rwego rw’Isi, abamaze kwandura ari 5 590 671 naho abamaze gupfa ni 347 922.

Leta Zunze Ubumwe za Amerika nizo zikomeje kuza imbere mu kugira umubare munini w’abanduye n’abamaze gupfa ku Isi, abamaze kwandura ni 1 706 226 naho abamaze gupfa ni 99 805.

Brésil nicyo gihugu cyugarijwe cyane ku Isi kuko kuri uyu wa Mbere cyapfushije abantu 806 abandi barenga ibihumbi 13 barandura.

Kugeza ubu Leta Zunze Ubumwe za Amerika kandi nizo zifite abanduye n’abamaze gupfa benshi ku Isi, Brésil iri ku mwanya wa Kabiri mu banduye kuko ari 376 669, hamaze gupfa 23 522.

U Burusiya buza ku mwanya wa gatatu kuko bufite abanduye 353 427 hamaze gupfa 3 633, muri Espagne handuye 282 480, hamaze gupfa 26,837, mu Bwongereza handuye 261 184, hamaze gupfa 36 914.

Ku mugabane wa Afurika wose hamaze kugaragara abantu 118 111 banduye Coronavirus, abamaze gupfa basaga 3 506 naho abakize ni 47 910.

Afurika y’Epfo iri imbere mu kugira abafite ubwandu benshi kuko ari 23 615, abamaze gupfa ni 481, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 783 naho abamaze kwandura ni 17 967.

Muri Afurika y’Iburasirazuba, kugeza ubu igihugu kiza imbere mu bwandu bwinshi ni Kenya kuko hamaze kwandura 1 286 hapfuye 52, Tanzania iza ku mwanya wa kabiri, kuko handuye 509 hapfuye 21.

U Rwanda rufite abanduye 336, abamaze gukira ni 238, muri Uganda ubu hari abanduye 222, mu Burundi handuye abantu 42 hapfa umwe naho muri Sudani y’Epfo hamaze kwandura abantu 806 hamaze gupfa umunani.

Mu bihugu bihana imbibi n’u Rwanda Repubulika Iharanira Demokarasi ya Congo nicyo gihugu cyibasiwe cyane n’iki cyorezo, kuko gifite abanduye 2 297 barimo 67 bamaze gupfa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .