AU yashimye raporo y’u Rwanda ku ruhare rw’u Bufaransa muri Jenoside yakorewe Abatutsi

Yanditswe na Akayezu Jean de Dieu
Kuya 21 Mata 2021 saa 09:16
Yasuwe :
0 0

Perezida wa Komisiyo y’Umuryango wa Afurika Yunze Ubumwe [AU], Moussa Faki Mahamat yashimye raporo y’Abanyamategeko b’ikigo Levy Firestone Muse LLP, bashyizweho na Guverinoma y’u Rwanda mu 2017 ngo bacukumbure ukuri ku ruhare rw’u Bufaransa muri Jenoside yakorewe Abatutsi mu 1994.

Iyi raporo yamuritswe kuri uyu wa 19 Mata 2021, nyuma yo gushyikirizwa Guverinoma y’u Rwanda. Yiswe “A Foreseeable Genocide: The Role of the French Government in Connection with the Genocide against the Tutsi”, bishatse kuvuga “Jenoside yagaragariraga buri wese n’uruhare rwa Leta y’u Bufaransa muri Jenoside yakorewe Abatutsi mu Rwanda.’’

Mu ikorwa ryayo hifashishijwe zimwe mu nyandiko zikubiye muri Raporo Mucyo yamuritswe mu 2008, yagarutse ku ruhare rw’u Bufaransa mu bya Gisirikare mu gihe inshya yarebye cyane no ku bijyanye na Politiki yakoreshejwe.

Itangazo ryashyizwe hanze na Komisiyo ya AU, rivuga ko Perezida wayo Moussa Faki Mahamat yashimiye ibyavuye muri iyi Raporo ndetse ashimira Perezida Kagame.

Rikomeza rigira riti “Perezida wa Komisiyo ya AU arashimira umuhate wa politiki wa Perezida Paul Kagame w’u Rwanda na Perezida Emmanuel Macron w’u Bufaransa kubera izo ntambwe zigana ku bwumvikane busesuye, bukwiye kwemezwa na Afurika muri rusange.”

Raporo y’u Rwanda yaje ikurikira iyitiriwe Duclert yagaragaje ko u Bufaransa bwagize “Uruhare rukomeye kandi ntagereranywa” mu mateka ashaririye u Rwanda rwanyuzemo hagati ya 1990-1994.

Umunyamateka Vincent Duclert wayoboye Komisiyo yakoze raporo, yashyizweho na Perezida Emmanuel Macron ku wa 9 Mata 2021 ni bwo yayishyikirije Umukuru w’Igihugu Paul Kagame.

Faki Mahamat yashimye raporo Muse yakozwe n'u Rwanda igaragaza uruhare rw'u Bufaransa muri Jenoside

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .