Umuganda wabereye mu Murenge wa Rusororo kuri uyu wa Gatandatu tariki ya 30 Ugushyingo 2024, haterwa ibiti birimo iby’imbuto n’ibigamije kurimbisha umujyi nk’imikindo n’ibindi.

Umuyobozi Mukuru wa Atlantique Microfinance Plc, Mohamed Aarouch, yagaragaje ko igikorwa cy’umuganda kuri bo bagikora bagamije gutanga umusanzu kuri sosiyete nyarwanda.

Ati “Twishimiye cyane ko twagize uruhare mu gikorwa nk’iki cy’umuganda. Kivuze byinshi, kandi ni igikorwa gihuje n’indangagaciro ziranga Atlantique Microfinance ari zo ubwubahane, ubufatanye no gukorera hamwe nka sosiyete.”

Yakomeje agira ati “Ni ikimenyetso gifatika kigaragaza ko hari uruhare tugomba kugira muri sosiyete dukoreramo. Ntabwo turi hano gusa nk’ikigo cy’imari ahubwo duhari nk’abafatanyabikorwa mu bikorwa by’ubumuntu kandi dukwiye kugira uruhare rufatika muri byo.”

Umunyamabanga Nshingwabikorwa w’Umurenge wa Rusororo, Umuhoza Rwabukumba Mado, yashimye uruhare rw’abafatanyabikorwa mu rugendo rw’iterambere n’uburyo bifatanya n’abaturage mu bikorwa bigamije inyungu rusange.

Yashimye abaturage bagize uruhare mu muganda, abasaba gukomeza kubungabunga ibiti byatewe.

Umuyobozi Nshingwabikorwa w’Akarere ka Gasabo, Bayasese Bernard, yagaragaje ko Umujyi wa Kigali uteganya gutera ibiti miliyoni eshatu mu myaka itanu iri imbere bityo ko abanya-Kigali bakwiye gukomeza kubitera no kubibungabunga.

Atlantique Microfinance Plc ni ikigo cy’Imari iciriritse cyahawe uruhushya rwo gukorera mu Rwanda na Banki Nkuru y’Igihugu mu mpera za 2019.

Mu gihe cy’imyaka itanu mu Rwanda, Atlantique Microfinance imaze kubaka izina mu guteza imbere urwego rw’imari rudaheza.

Icyo kigo gishamikiye kuri AMIFA Holdings isanzwe ikorera muri Maroc (Casablanca) ikaba imwe mu mashami ya BCP Group (Banque Centrale Populaire du Maroc).

Kugeza ubu Atlantique Microfinance PLC ifite amashami atandatu mu Rwanda ndetse ikaba itegenya gufungura andi mu tundi turere. Kuri ubu ifite icyicaro mu Karere ka Nyarugenge mu nyubako ya YYUSSA City Center izwi nko kwa Makuza Peace Plaza.

AMIFA S.A ikorera mu bihugu bya Afurika birimo Côte d’Ivoire, Mali, Sénégal, Burkina Faso, Gabon, Guine, Madagascar n’u Rwanda.

Umuyobozi Mukuru wa Atlantique Microfinance Plc, Mohamed Aarouch n'Umuyobozi Wungirije Mary Lambasha batera igiti cy'umukindo

Umuyobozi Mukuru wa Atlantique Microfinance Plc, Mohamed Aarouch afatanya na DASSO gutera umukindo

Abakozi ba Atlantique Microfinance batera igiti cy'umwembe

Akanyamuneza kari kose mu bakozi bari bishimiye gutera ibiti

Morale yari yose ku bakozi ba Atlantique Microfinance

Inzego z'umutekano zitandukanye nazo zari zitabiriye umuganda

Umuyobozi Mukuru wa Atlantique Microfinance Plc, Mohamed Aarouch, acukura umwobo wo guteramo igiti

Umuyobozi Mukuru wa Atlantique Microfinance Plc, Mohamed Aarouch, afatanya n'abakozi be gutera igiti

Nyuma yo gutera umukino bawishimiye

Abaturage benshi bari bishimiye kwitabira uyu muganda bafatanyijemo n'abafatanyabikorwa batandukanye

Umurava n'ishyaka byaranze abakozi bitabiriye umuganda

Abakozi ba Atlantique Microfinance nyuma y'umuganda bafashe ifoto y'urwibutso

Ni umuganda wari witabiriwe n'abantu batari bake

Umuganda wabereye i Kabuga ku muhanda ugana ku bigega

Umunyamabanga Nshingwabikorwa w’Umurenge wa Rusororo, Umuhoza Rwabukumba Mado, ashima abaturage bitabiriye umuganda

Umuyobozi Mukuru wa Atlantique Microfinance Plc, Mohamed Aarouch, yishimiye gukora umuganda

Ubuyobozi bwa Atlantique Microfinance butanga mituweri ku bantu 300

Hatanzwe mituweri z'abantu 300

Umuyobozi Nshingwabikorwa w'Akarere ka Gasabo, Bayasese Bernard, yashimye abafatanyabikorwa anasaba abaturage gukomeza umugambi wo gutera ibiti

Amafoto ya IGIHE: Shumbusho Djasiri