Igice cyabuze urumuri ni icyo indege zisanzwe zigwaho. Muri iryo joro nta ndege yashoboraga kugwa kuri iki kibuga kuko byashoboraga gutera impanuka. Izacyerekezagaho zasabwaga gusubira inyuma.

Umuyobozi w’iki kibuga cy’indege, Ambasaderi Joel Nkurabagaya, yasobanuye ko iki kibazo cyatewe n’ibura ry’umuriro w’amashanyarazi muri rusange, asobanura ko hoherejwe abatekinisiye kugira ngo bagikemure.

Nkurabagaya yagize ati “Nyuma y’ibura ry’umuriro ryabaye mu ijoro ryo kuri uyu wa Gatatu, tariki ya 20 Ugushyingo 2024 ku Kibuga Mpuzamahanga cy’Indege cya Melchior Ndadaye, amatara yo ku gice indege zigwaho yazimye, bikoma mu nkokora ibikorwa by’ijoro. Itsinda ry’abatekinisiye riri kureba ko ryagarura urumuri.”

Bivugwa ko ibura ry’urumuri kuri iki kibuga cy’indege ryatewe n’uko umuriro w’amashanyarazi washyizwemo nabi, hakaba hari impungenge z’uko iki kibazo gishobora kuzasubira kenshi.

Suite à une panne électrique survenue à la fin de la journée de ce mercredi le 20/11/2024 à l'Aéroport International Melchior NDADAYE, l'éclairage de la piste à été affecté, ce qui a perturbé les opérations nocturnes. L'équipe technique est à l'œuvre pour restaurer l'éclairage

— Amb Joel Nkurabagaya (@ambjoel25) November 20, 2024

Bivugwa ko umuriro w'amashanyarazi uri muri iki kibuga cy'indege washyizwemo nabi