Aba basirikare bafashwe mu bihe bitandukanye nyuma yo guhunga urugamba bari bahanganyemo n’umutwe witwaje intwaro wa M23 mu ntara ya Kivu y’Amajyepfo.

Ibyaha ubushinjacyaha bw’igisirikare cya RDC cyari kibakurikiranyeho birimo guhunga umwanzi, kwica, kugerageza kwica no gufata ku ngufu.

Hari abasirikare 72 bagizwe abere nyuma y’aho bigaragaye ko nta kimenyetso kibahamya icyaha na kimwe mu byo bari bakurikiranyweho.

Hari abandi basirikare 90 bari kuburanishwa mu rukiko rwa gisirikare rwa Uvira muri Kivu y’Amajyepfo. Na bo bakurikiranyweho ibyaha birimo guhunga umwanzi.

Uko abarwanyi ba M23 bafata ibice muri Kivu y'Amajyepfo ni ko abasirikare benshi ba RDC bahunga