Ambasaderi w’u Rwanda mu Bwongereza, Busingye Johnston, yagaragaje ko Yuhi Cesar wa Ambasaderi Cesar na Mugisha Blaine wa ACP Kuradupagase Augustin basoje amasomo tariki ya 11 Mata 2025.

Ambasaderi Busingye yagize ati “Mushimirwe cyane banyeshuri bacu ku rwego rwa ofisiye Mugisha Blaine na Yuhi Cesar. Muri ishema ry’igihugu. Tubifurije ishya n’ihirwe.”

Bigaragara ko abo mu miryango y’aba banyeshuri, ndetse na Ambasaderi Busingye, bitabiriye ibirori byabo byo gusoza amasomo.

Abanyarwanda basoje amasomo mu mashuri makuru y’igisirikare arimo irya Gako n’ayo mu mahanga nka Sandhurst binjira mu ngabo z’u Rwanda (RDF), bakambikwa ipeti rya Sous-Lieutenant.

Mugisha Blaine (ibumoso) na Yuhi Cesar, umuhungu wa Ambasaderi Igor Cesar basoje amasomo ya gisirikare mu Bwongereza

Abo mu miryango y'aba banyeshuri ndetse na Ambasaderi Busingye bitabiriye ibi birori

Royal Military Academy ni rimwe mu mashuri makuru y'igisirikare akomeye ku Isi