Uruzinduko rwa Perezida Kagame mu Mujyi wa Livingstone rwatangiye mu gitondo cyo ku wa Mbere, tariki 4 Mata rusozwa ku gicamunsi cyo ku wa 5 Mata 2022.

Mu butumwa yanyujije ku rukuta rwa Twitter, Perezida Kagame yavuze ko yagiriye ibihe byiza muri Zambia ndetse anashimira ‘umuvandimwe we, Hakainde Hichilema’ wamwakiriye neza.

Ati “Muvandimwe wanjye, Perezida Hakainde Hichilema, nageze mu rugo amahoro, nashakaga kugushimira na Madamu wawe mwanyakiriye neza kandi twagiranye ibihe by’ingirakamaro. Ibyiza byose kuri wowe n’abaturage ba Zambia.”

Perezida wa Zambia, Hakainde Hichilema nawe yunze mu rya Perezida Kagame, agaragaza ko uru ruzinduko ari intambwe ikomeye ku mubano w’ibihugu byombi.

My brother President Hakainde Hichilema just arrived back home safely I wanted to thank you very much and to the 1st Lady for the very warm hospitality and productive engagements. All the best to you and the people of Zambia!

— Paul Kagame (@PaulKagame) April 5, 2022

It was our privilege to host our brother H.E President Paul Kagame for our first state visit. Signing 7 MOUs with #Rwanda demonstrates our determination to revive the economy through economic cooperation & strategic partnerships. Bon Voyage Mon Frère. #aBetterFuture @PaulKagame pic.twitter.com/SA1q9Yo89I

— Hakainde Hichilema (@HHichilema) April 5, 2022

Ibyaranze uruzinduko rwa Perezida Kagame muri Zambia

Ku munsi wa mbere w’uruzinduko rwe, Perezida Kagame yakiriwe ku Kibuga Mpuzamahanga cy’Indege cyitiriwe Harry Mwaanga Nkumbula. Umukuru w’Igihugu yakiriwe na mugenzi we, Hakainde Hichilema.

Ku ikubitiro rwasinyiwemo amasezerano y’ubufatanye mu nzego z’imisoro, abinjira n’abasohoka, ubuzima, ubuhinzi, guteza imbere ishoramari, ubuhinzi, uburobyi n’ubworozi.

Umukuru w’Igihugu cy’u Rwanda kandi yakiriwe ku meza na mugenzi we, Hakainde Hichilema wari kumwe n’umugore we, Mutinta Hichilema.

Ku munsi wa kabiri, Perezida Kagame yasuye icyanya cya ‘Victoria Falls and Mukuni Big 5 Safaris’ cyo mu Mujyi w’Ubukerarugendo wa Livingstone, aho umuntu aba ashobora gutemberana n’Intare cyangwa se Igitarangwe n’izindi nyamaswa zo muri ubu bwoko.

Abakuru b’ibihugu byombi kandi banasuye ikiraro kiri ku mupaka uhuriweho wa Kazungula (Kazungula One-Stop Border Post), cyubatswe ku mugezi wa Zambezi, hagati ya Zambia na Botswana.

Perezida Kagame ari kumwe na mugenzi we Hakainde Hichilema basuye isumo rya Victoria, agaragara ari iruhande rw’igitarangwe.

Umukuru w’Igihugu kandi yavuye muri Zambia, ateye igiti gishushanya ubucuti bukomeje kurangwa hagati y’ibihugu byombi.

Perezida Kagame ubwo yageraga muri Zambia, yakiriwe na mugenzi we Hakainde Hichilema

Umukuru w'Igihugu yakiriwe n'abarimo abana bato bamushyikirije indabo

Igihugu cya Zambia cyari kiteguye kwakira Perezida Kagame

Perezida Kagame na mugenzi we Hakainde Hichilema basuhuza abaturage bari bishimiye kwakira Umukuru w'Igihugu cy'u Rwanda

Perezida Kagame yakiriwe mu mbyino gakondo zerekana umuco wo muri Zambia

Hari hateguwe akarasisi ka gisirikare mu kwakira Perezida Kagame mu Mujyi wa Livingstone

Ibendera ry'u Rwanda ryazamuwe i Livingstone muri Zambia

Hari na band ya gisirikare icuranga mu birori byo kwakira abayobozi bakuru

Bari bishimiye kwakira Perezida Kagame ndetse babyerekanaga bakoresheje amabendera y'u Rwanda

Perezida Kagame asuhuza bamwe mu bayobozi mu nzego nkuru za Zambia

Perezida wa Zambia, Hakainde Hichilema yagendaga yereka mugenzi we w'u Rwanda, Paul Kagame abayobozi bamwakiriye mu gihugu cye

Perezida Kagame na Hakainde Hichilema wa Zambia ubwo haririmbwaga indirimbo zubahiriza ibihugu byombi

"Rwanda Nziza" yaririmbwe i Livingstone muri Zambia

Perezida Kagame yakiriwe mu cyubahiro gikwiye Umukuru w'Igihugu

Perezida Kagame yagiriye uruzinduko rw'akazi muri Zambia aho yamaze iminsi ibiri

Perezida Kagame ni ubwa mbere yabonanye na Hakainde Hichilema, kuva yatorerwa kuyobora Zambia muri Kanama 2021, asimbuye Edgar Lungu

Perezida Kagame yageze muri Zambia ku wa Mbere, tariki 4 Mata 2022

Perezida Kagame yakiriwe n'abiganjemo abakora mu nzego z'umutekano

Perezida wa Zambia, Hakainde Hichilema afata Perezida Kagame nk'umuvandimwe we

Abakuru b'ibihugu byombi bagendaga baganira

Perezida Kagame yereka mugenzi we bamwe mu bayobozi bakuru muri Guverinoma bamuherekeje

Umukuru w'Igihugu yakiriwe mu mbyino zibereye ijisho

Zambia, Perezida Kagame yasuye ni igihugu gikungahaye ku buhinzi, ubukerarugendo n’inganda. Gifite n'umwihariko mu bucukuzi bw’amabuye y’agaciro azwi nka “Copper”

Abakuru b'ibihugu byombi basuye uduce nyaburanga dutandukanye turimo inyamaswa zirimo n'udusumbashyamba

Abakuru b'ibihugu byombi bari bafite akanyamuneza nyuma y'ibiganiro bagiranye

Perezida Kagame yagiranye ibiganiro na mugenzi we wa Zambia, Hakainde Hichilema

Ahantu Perezida Kagame yakiririwe hari inyamaswa z'ubwoko butandukanye zirimo Imparage n'udusumbashyamba

Perezida Kagame na Hichilema baganiriye ku bufatanye bw’ibihugu byombi n’ingingo zireba Akarere muri rusange

Imparage ni inyamaswa zibereye ijisho

Abakuru b'ibihugu bakurikiranye isinywa ry'amasezerano atandukanye hagati y'u Rwanda na Zambia

Nyuma yo kugirana ibiganiro byihariye, Perezida Kagame na Hichilema bafashe ifoto y'urwibutso

Perezida Kagame ubwo yageraga muri Zambia, yakiriwe na mugenzi we Hakainde Hichilema

Perezida Kagame na Hichilema baganiriye ku ngingo zitandukanye zigamije kurushaho kunoza umubano uhuriweho

U Rwanda na Zambia bifitanye umubano mwiza ndetse ugaragarira mu ngendo z'abakuru b'ibihugu byombi

Minisitiri w'Ububanyi n'Amahanga n'Ubutwererane, Dr Biruta Vincent na Minisitiri w'Ububanyi n'Amahanga wa Zambia, Stanley Kakubo ni bo bashyize umukono ku masezerano arindwi hagati y'ibihugu byombi

Perezida Kagame yamaze iminsi ibiri muri Zambia mu ruzinduko rugamije kwagura umubano w'ibihugu byombi

Muri uru ruzinduko hasinyiwe amasezerano atandukanye agamije guteza imbere abaturage b'u Rwanda na Zambia

Perezida Kagame yatambagijwe uduce nyaburanga tugize Umujyi wa Livingstone muri Zambia

Perezida Kagame ari kumwe na mugenzi we na Madamu Mutinta Hakainde basuye ahantu hatandukanye

Bagize n'amahirwe yo kwihera ijisho imisozi

Perezida Kagame yari afite akanyamuneza

Izuba ryarenze bakiri kureba ibyiza nyaburanga

Ku bakurikirana ubukerarugendo bwo muri Afurika, Livingston ni umujyi w’ikimenyabose ndetse ufite amateka akomeye muri Zambia

Perezida Kagame na mugenzi we wa Zambia baganiriye bishyira kera

Perezida Kagame yitegereza ibyiza bitatse Umujyi w'Ubukerarugendo wa Livingstone

Perezida Kagame yasuye icyanya gikomye cya Zambia kibarizwamo inyamaswa z’inkazi

Perezida Kagame na mugenzi we Hakainde Hichilema basuye Isumo rya Victoria

Perezida Kagame yasuye iki cyanya aherekejwe n'abarimo Minisitiri w’Ububanyi n’Amahanga n’Ubutwererane, Dr Biruta Vincent na Minisitiri w'Ubuhinzi n'Ubworozi, Dr Mukeshimana Gerardine

Perezida Kagame yasuye icyanya gikomye cya Zambia kibarizwamo inyamaswa z’inkazi

Mu duce Perezida Kagame yasuye harimo n'akitwa Victoria Falls and Mukuni Big 5 Safaris

Isumo rya Victoria ni rimwe mu akunze gukurura ba mukerarugendo cyane bagana muri Zambia

Perezida Kagame yanyuzagamo akaganira na mugenzi we wa Zambia, Hakainde Hichilema

Umujyi wa Livingstone muri Zambia ufatwa nk’umujyi w’ubukerarugendo. Uherereye mu Majyepfo ashyira Uburengerazuba bw’iki gihugu, muri kilometero nke uvuye ku mugezi wa Zambezi ndetse n’Umupaka wa Zimbabwe

Nyuma yo gusura aka gace, Perezida Kagame yasize atanze ubutumwa mu gitabo cy'abashyitsi

Cheetah (urutarangwe) ni imwe mu nyamaswa zitinywa n’abantu benshi cyane

Perezida Kagame yagaragaye akora kuri 'Cheetah' [urutarangwe]

Yari yishimiye gukora kuri cheetah ubwo yasuraga inyamaswa zitandukanye zibarizwa muri aka gace k'ubukerarugendo

Iki cyanya basuye cyatangijwe mu 2009, icyo gihe abantu bemererwaga gutemberana n’intare hamwe n’ibisamagwe ariko nyuma biragurwa bakajya bemererwa gutemberana n’inzovu. Umuntu ashobora gutemberana n’inzovu imuhetse mu mugongo

No mu gusoza uruzinduko rwe hifashishijwe imbyino gakondo zo muri Zambia mu gusezera Perezida Kagame

Uru ruzinduko rwashibutsemo amasezerano atandukanye

Perezida Paul Kagame yateye igiti gishushanya ubucuti bukomeje kurangwa hagati y’u Rwanda na Zambia

Umukuru w'Igihugu yahise anavomerere iki giti mu kwerekana ko kigomba gukura

Perezida wa Zambia Hakainde Hichilema na we yateye igiti

Ikiraro cya Kazungula Bridge kinyura hejuru y’Uruzi rwa Zambezi ruri hagati ya Botswana, Namibia na Zimbabwe

Perezida Kagame yasuye Ikiraro cya Kazungula Bridge

Yatambagijwe ahantu hatandukanye mu bukerarugendo bubereye umuyobozi nk'uwo ku rwego rwe

Perezida Hakainde Hichilema yasezeye mugenzi we w'u Rwanda ubwo yari amaze kwinjira mu ndege imwerekeza i Kigali

Amafoto: Village Urugwiro