Ifoto y’umunsi: Umusirikare w’u Rwanda acungiye umutekano Perezida Touadéra

Yanditswe na IGIHE
Kuya 22 Ukuboza 2020 saa 11:01
Yasuwe :
0 0

Guhera mu 2014 u Rwanda ni kimwe mu bihugu bitanga umusanzu mu butumwa bwa Loni bwo kugarura amahoro muri Repubulika ya Centrafrique (MINUSCA).

Buri mwaka u Rwanda rwohereza abasirikare bajya muri iki gihugu, aho by’umwihariko baba bafite inshingano zo kurinda abaturage. Kuva mu 2016 Ingabo z’u Rwanda zahawe inshingano zo kurinda Umukuru w’Igihugu.

Iyi foto y’umunsi igaragaza umwe mu basirikare b’u Rwanda ari kumwe n’uw’u Burusiya barinze Perezida w’iki gihugu Faustin-Archange Touadéra ubwo yari mu bikorwa byo kwiyamamaza.

Abakoresha imbuga nkoranyambaga babonye iyi foto ntibahwemye kugaragaza ko batewe ishema no kubona umusirikare w’igihugu cyabo ari mu bagirirwa icyizere cyo kurinda Umukuru w’Igihugu cy’amahanga kandi uyu mwanya akawubangikanaho n’uw’u Burusiya, buri mu bihugu by’ibihangange ku Isi.

Mu rwego rwo kurushaho kongerera imbaraga Ingabo z’u Rwanda ziri muri ubu butumwa, Guverinoma iherutse gufata icyemezo cyo koherezayo abandi basirikare.

Mu kiganiro yagiranye n’abanyamakuru ku wa 21 Ukuboza, Perezida Kagame yavuze ko izi ngabo u Rwanda rwohereje muri Centrafrique zizakora akazi mu buryo butandukanye n’ubw’izari zisanzweyo ziri mu butumwa bwa Loni, aho zizarinda izari zisanzwe n’abaturage ariko mu gihe imitwe yitwaje intwaro iri muri icyo gihugu yagerageza kuzihungabanya, zizakora “akazi zigomba gukora”.

Umusirikare w'u Rwanda ahagararanye n'uw'u Burusiya basangiye inshingano zo kurinda Perezida Touadéra

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .