Ifoto y’umunsi:Umunyarwandakazi arakataje mu ikoranabuhanga

Yanditswe na Niyonzima Moïse
Kuya 8 Werurwe 2019 saa 03:11
Yasuwe :
0 0

Umugore arahambaye! Niwe mvano y’umuryango, atwita amezi icyenda, akonsa, agakurikirana ubuzima bw’umwana umunsi ku wundi, mbese uburere hafi ya bwose umwana akurana buturuka ku mutegarugori.

Umunyarwanda we yaritegereje aterura agira ati “Ukurusha umugore aba akurusha urugo”. Bishatse kumvikanisha ko ahari umugore w’umutima byose bitungana.

Ku wa 8 Werurwe buri mwaka ni umunsi wahariwe umwari n’umutegarugori ku Isi yose, aho hazirikanwa imbaraga zabo mu iterambere ry’igihugu n’Isi muri rusange.

Ni umunsi ushushanya ko umugore akwiriye kubahwa buri gihe, atari kuri uyu munsi gusa, hakazirikanwa imbaraga mu mfuruka zitandukanye z’ubuzima.

Leta y’u Rwanda yamaze gutera imboni imbaraga z’umugore ndetse mu Nteko Ishinga Amategeko y’u Rwanda, Umutwe w’Abadepite, bangana na 61.25%.

Kuri uyu munsi, IGIHE yabateguriye ifoto y’umunsi yafatiye aho abagore barobera isambaza mu Karere ka Rusizi, Umurenge wa Kamembe, Akagali ka Cyangungu, Umudugudu wa Karambo. Igaragaza ko abagore bamaze kwitinyuka mu buryo bwose.

Ahafatiwe iyi foto hafite amateka yihariye kuko ariho Umwami Yuhi IV Musinga bamwomoreye.

Amafoto: Niyonzima Moses


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza