00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’umunsi: Izindi mfuruka z’Ikibuga Mpuzamahanga cy’Indege cya Kigali

Yanditswe na IGIHE
Kuya 20 July 2022 saa 08:09
Yasuwe :

Ikibuga Mpuzamahanga cy’Indege cya Kigali kimaze kuvugururwa mu buryo bugezweho, aho cyahawe ubushobozi bwo kwakira indege zisaga 50. Cyafashije cyane cyane ubwo u Rwanda rwakiraga inama y’abakuru b’ibihugu na za Guverinoma bagize Commonwealth, CHOGM.

Imirimo yo kwagura iki kibuga yatangijwe muri Nzeri 2019, hagamijwe kongera umubare w’indege zibasha kukigwaho ukava kuri 26 ukagera kuri 44. Ni ibikorwa ku ikubitiro byatwaye agera kuri miliyari 8 Frw.

Mu bindi byakozwe kuri iki kibuga harimo kwagura inzira z’indege, aho abagenzi bahagarara n’imizigo yabo, hakiyongeraho n’aho imodoka ziparika no kucyongerera ubushobozi mu kwakira indege n’abagenzi.

Mbere gato y’uko u Rwanda rwakira CHOGM n’intumwa z’ibihugu 54 byari bigize Commonwealth (ubu hiyongereyeho bibiri), Umunyamabanga wa Leta muri Minisiteri y’Ibikorwaremezo, Eng Uwase Patricie, yatangaje ko imyiteguro yakozwe guhera ku Kibuga cy’Indege aho abayobozi bazururukira, kugera aho bazarara.

Ati "Twahereye ku gutegura Ikibuga Mpuzamahanga cy’Indege cya Kigali, aho abantu binjirira n’aho basohokera twarahaguye mu buryo bugaragara n’aho indege ziparika ubwazo, indege zirenga 50."

Biteganyijwe ko umubare w’abagenzi bakoresha iki kibuga ushobora kuva kuri miliyoni 1,2 babonetse mu 2019/20 bakagera kuri miliyoni ebyiri mu 2022/23.

Iki kibuga cyahawe ubushobozi bwo kwakira indege 50
Iki kibuga cyaravuguruwe, hahindurwa aho abantu binjirira cyangwa basohokera, umwanya waho urongerwa
Iki gice kireba mu Giporoso nicyo indege zinyuramo iyo zihagurutse i Kigali
Imiterere y'Ikibuga mpuzamahanga cy'Indege cya Kigali ukirebeye kure, aho iburyo (hatari imodoka) hakoreshwa n'abanyacyubahiro, ibumoso hari imodoka nyinshi hagakoreshwa n'abagenzi basanzwe ndetse n'abakozi bo ku kibuga cy'indege

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .