Uwo musirikare utatangajwe amazina, yinjiye ku mupaka w’u Rwanda mu gitondo cyo kuri uyu wa Gatanu, arasa ku bashinzwe umutekano b’u Rwanda bari ku burinzi akomeretsa babiri.

Abapolisi b’u Rwanda mu kurengera abaturage bambuka umupaka no kwirwanaho, babanje kumurasa ku kuboko, akomeza kubasatira arasa, bafata umwanzuro wo kumurasa mu mutwe yitaba Imana.

Nyuma umurambo w’uwo musirikare washyirijwe RDC, maze abaturage biroha mu mihanda baherekeza i Goma umubiri we, bamuririmbira ko ari intwari ikoze ibyo bifuzaga.

Bivugwa ko uwo musirikare yinjiye mu Rwanda avuga ko agiye guhorera bagenzi be baguye mu rugamba FARDC ihanganyemo n’umutwe wa M23.

Gafotozi wa Reuters, Arlette Bashizi, yarabakurikiye mu mihanda y’i Goma, afata amafoto yerekana uko byari byifashe.

Umurambo w'uyu musirikare washyikirijwe RDC ku manywa yo ku wa Gatanu

Ibihumbi by'Abanye-Congo nibo bagiye guherekeza umusirikare wa RDC warasiwe mu Rwanda

Bagendaga mu muhanda baririmba ko ari intwari yakoze ibyo bifuzaga

Polisi ya RDC yari ku mupaka icunze umutekano nyuma y'aho umwe mu basirikare b'iki gihugu avogereye ubutaka bw'u Rwanda