00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: Abacungagereza bakira mu cyubahiro Umuyobozi w’urwego rw’imfungwa n’abagororwa muri Zambia

Yanditswe na Akayezu Jean de Dieu
Kuya 28 Mata 2021 saa 09:07
Yasuwe :
0 0

Umuyobozi w’Urwego Rushinzwe Imfungwa n’Abagororwa muri Zambia, Dr Chisela Chileshe, uri mu Rwanda mu ruzinduko rw’akazi kuri uyu wa Kabiri yasuye Gereza ya Rubavu iherereye mu Murenge wa Nyakiriba, Akarere ka Rubavu, Intara y’Uburengerazuba.

Ni urugendo yakoze aherekejwe na Komiseri Mukuru w’Urwego Rushinzwe Imfungwa n’Abagororwa mu Rwanda, CG Juvénal Marizamunda, nawe wari usuye gereza ku nshuro ya mbere nyuma yo guhabwa inshingano n’Umukuru w’Igihugu ku wa 15 Mata 2021.

Ubwo abayobozi bombi bageraga kuri Gereza ya Rubavu mu gitondo cyo ku wa 27 Mata 2021, bakiriwe mu cyubahiro n’Abacungagereza bagaragaza ko bakoze umwitozo ndetse bahora biteguye gukora akazi uko bikwiye.

Gereza ya Rubavu yahoze yitwa iya Gisenyi yashinzwe mu 1937 kuri ubu irimo Imfungwa n’Abagororwa 8212, bose ni igitsina gabo. Kuri ubu ifite abakozi 170 (160 b’Abacungagereza, 10 b’Abasivile).

Aha Umuyobozi w’Urwego Rushinzwe Imfungwa n’Abagororwa muri Zambia, Dr Chisela Chileshe yari asoje ibikorwa byo gusura Gereza ya Rubavu bari kumusezeraho
Dr Chisela Chileshe bamweretse imyitozo bakoze
Umuyobozi w’Urwego Rushinzwe Imfungwa n’Abagororwa muri Zambia, Dr Chisela Chileshe, yakiriwe mu cyubahiro gihabwa abayobozi mu by'umutekano
Imfungwa n'abagororwa bakiriye abashyitsi baranamucurangira biratinda
Mu byo biga muri gereza harimo n'umuziki

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .