00:00:00 IGIHE NETWORK KN KINYARWANDA EN ENGLISH FR FRANCAIS

Ibisasu byarasiwe muri RDC bigwa i Musanze, Kigali Arena ihindurirwa izina,…- Ibyaranze icyumweru mu mafoto

Yanditswe na IGIHE
Kuya 30 May 2022 saa 05:52
Yasuwe :

Icyumweru cyo ku wa 23-29 Gicurasi 2022 cyaranzwe n’ibikorwa bitandukanye! Ibikomeye byanagarutsweho cyane haba mu bitangazamakuru by’imbere mu gihugu n’ibyo hanze ni ibisasu byaguye ku butaka bw’u Rwanda biturutse muri Repubulika Iharanira Demokarasi ya Congo.

Ku wa 23 Gicurasi 2022, mu Mirenge ya Kinigi na Nyange mu Karere ka Musanze humvikanye ibisasu byarashwe biturutse muri RDC, byakomerekeje abaturage, binangiza ibikorwa byabo birimo inzu.

Itangazo ry’Ingabo z’u Rwanda ryahamije aya makuru ndetse rivuga ko RDF yifuza ibisobanuro ku ntandaro y’ibisasu byaturutse muri RDC.

Ku mugoroba wo kuri uwo munsi kandi Madamu Jeannette Kagame yashimye ubutwari bwa Nyirantagorama Françoise mu burezi, ahishura ko yashinze Green Hills Academy agamije gushimangira umusanzu yatanze mu kurerera u Rwanda.

Ku wa Kabiri w’iki Cyumweru, tariki ya 24 Gicurasi 2022, ni bwo hatangajwe ko Kigali Arena yahinduriwe izina yitwa BK Arena. Ni nyuma y’uko Banki ya Kigali yaguze uburenganzira bwo kuyitirirwa kuri miliyari 7 Frw, mu myaka itandatu.

Ni amasezerano yashyizweho umukono hagati ya BK Group Plc na QA Venue Solutions Rwanda, Ikigo cyatsindiye gucunga iyi nyubako mu myaka irindwi guhera mu 2020.

Icyumweru cyasojwe Abanya-Kigali bitabira Kigali International Peace Marathon yabaye ku wa 29 Gicurasi 2022. Yitabiriwe na Madamu Jeannette Kagame na mugenzi we wa Kenya, Margaret Kenyatta.

Kuri iyi nshuro yayo ya 17, iri rushanwa ryitabiriwe n’Umwongereza wubatse izina mu marushanwa yo kwiruka ku maguru, Mohamed Farah. Yasoje ari uwa mbere mu Cyiciro cy’abirukaga byo Kwishimisha ‘Run for peace’ cyangwa ‘Run for fun’.

Ku wa 23 Gicurasi 2022, mu Mirenge ya Kinigi na Nyange mu Karere ka Musanze humvikanye ibisasu byarashwe biturutse muri Repubulika Iharanira Demokarasi ya Congo, byakomerekeje abaturage, bikanangiza ibikorwa byabo birimo inzu
Madamu Jeannette Kagame yashimye Nyirantagorama Françoise nk'umubyeyi w'intwari, wamuteye umuhate wo gushinga Green Hills Academy. Yabigarutseho ku wa 23 Gicurasi 2022, mu mugoroba wo gushima ibigwi bya nyakwigendera
Perezida Paul Kagame ku wa 23 Gicurasi 2022 yitabiriye Inama Mpuzamahanga igaruka ku ruhare rwa Siporo mu guhuza abatuye Isi, yabereye i Davos mu Busuwisi
Miss Iradukunda Elsa ku wa Kabiri, tariki ya 24 Gicurasi 2022, yitabye Urukiko rw’Ibanze rwa Kicukiro ngo aburane ku ifungwa n’ifungurwa ry’agateganyo. Akurikiranyweho guhimba, guhindura inyandiko cyangwa gukoresha inyandiko mpimbano
Ikipe y’Igihugu y’u Rwanda y’Abatarengeje imyaka 13, babarizwa mu Irerero rya Paris Saint Germain (PSG) riri mu Karere ka Huye, bageze i Kigali ku wa 25 Gicurasi 2022, batahanye Igikombe cy'Isi batsindiye mu Bufaransa, ahaberaga irushanwa rihuza amarerero yose ya PSG ku Isi
Ku wa 24 Gicurasi 2022, Kigali Arena yahinduriwe izina yitwa BK Arena, nyuma y’uko Banki ya Kigali yaguze uburenganzira bwo kuyitirirwa kuri miliyari 7 Frw, mu myaka itandatu
Ku wa 24 Gicurasi 2022, abahoze ari abasirikare mu mashyamba ya Repubulika Iharanira Demokarasi ya Congo basoje amasomo abemerera gusubira mu buzima busanzwe
Mu gitondo cyo ku wa 24 Gicurasi 2022, Ikipe y’Igihugu Amavubi yinjiye mu mwiherero wo kwitegura imikino yo gushaka itike ya CAN ya 2023 izabera muri Côte d’Ivoire. Hakizimana Muhadjili mu bakinnyi bahamagawe
Bwa mbere mu Rwanda, ku wa 26 Gicurasi 2022, imfungwa zisaga 600 zashyikirijwe impamyabushobozi mu myuga
Ku wa Gatatu, tariki 25 Gicurasi 2022 ubwo hasozwaga imikino ya ½ cy’irangiza cy’imikino ya Basketball Africa League ya 2022 ni bwo Mugabe Arstide yashimwe na BAL nk’umukinnyi w’icyitegererezo muri Basketball
Ku wa 26 Gicurasi 2022, abanyeshuri 17 bahawe impamyabushobozi zigaragaza ko barangije amasomo yo gutwara indege. Aha Umuyobozi wa RwandAir, Yvonne Makolo yafataga ifoto y'urwibutso n'abasoje
Mu gitondo cyo ku Cyumweru, tariki ya 29 Gicurasi 2022, imbogo yatorotse Pariki y'Igihugu y'Ibirunga iza kurasirwa mu Murenge wa Muko wo mu Karere ka Musanze imaze gukomeretsa abantu batatu. Aha abaturage bari bayihetse bagiye kuyitaba
US Monastir yo muri Tunisia yegukanye Igikombe cya Basketball Africa League [BAL 2022] itsinze Petro de Luanda yo muri Angola amanota 83-72 mu mukino wabereye muri BK Arena ku wa 28 Gicurasi 2022
Mu gitondo cyo ku wa 29 Gicurasi 2022, Madamu Jeannette Kagame na mugenzi we wa Kenya, Margaret Kenyatta bitabiriye Kigali International Peace Marathon
Mu bitabiriye iri siganwa barimo n'Umwongereza wubatse izina mu marushanwa yo kwiruka ku maguru, Mohamed Farah uzwi nka Sir Mo Farah

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .